味自慢 (已結業)

以前从来都冇黎过鲤景湾。呢度对冇车既人黎讲实在太隔涉，冇端端都唔会黎食饭啦。之前一早睇左Openrice食呢间。舖头细细，得十张枱左右。个日仲要好夜至食饭，所以只系得两三枱客。我地叫左蟹子沙律，炸软壳蟹，炒杂菜，寿司盛合，烧鹌鹑蛋同鸡软骨。炸软壳蟹系推介之一，炸得好松化。炒杂菜都好好，唔会太油。寿司盛合卖相好靓，味道都唔错。服务好好，我地系最后一枱客，不过都冇催我地。又好主动问我地要咩甜品。佢既红豆同咖啡雪糕都好香好滑，成餐饭就好圆满啦原来openrice有coupon，之前睇唔到，蚀左添