八月花 (已搬遷) 新店位置

为咗方便老人家，所以近近哋去咗又一城间八月花食𠮶早嘅团年饭，去到见佢哋promote紧样嘢叫做”捞起” 。咁岩记得有朋友讲过话几好食，望落幅相又好似几得意同Colorful，于是就博下叫咗返嚟试啦! 等咗一阵就嚟咗几碟唔同嘅嘢，有一碟三文鱼、一碟薄脆、一碟好似沙律嘅嘢同埋几樽汁，跟住Captain走过嚟帮我哋逐碟嘢捞埋一齐。搅完一大轮，终于有得食啦，味道有啲酸同甜，口感就有啲爽口同弹牙，整体嚟讲都几特别同好食㖞! 食完捞起仲食咗农家红烧肉、文昌鸡、同埋菜胆瑶柱炖北菇，全部都系大路嘅嘢，味道不过不失。而甜品就叫咗拿破伦，真系好大个，成家人都差啲食唔晒!