一代日式料理 (已結業)

首试团购，到达后看到点菜纸便知中招了。烧物：得五种，带子，牛舌，鸡翼，金菇牛肉同鸡肉片，牛舌质地好淋，除第一块系片状外，其后点嘅全部碎上，鸡翼干身，金菇牛肉一般，鸡肉片即鸡扒，好似无乜烧过咁，粒带子同香口胶差唔多咁细，话有烧三文鱼骨，落左3次ORDER，口头催左两次，先追得一旧；刺身：纸上面系有齐晒，种类唔算多，但呢日连北寄贝都无，新鲜程度一般；一品料理：无猪软骨同日式薄饼，可以选择嘅唔多，大部份都系乌冬面饭；天妇罗：得三样，蕃薯，南瓜同虾，粉浆厚薄度可以接受；炸物：得四样，鸡软骨，饺子，带子，炸蚝，炸蚝个炸皮好厚同硬；寿司：有齐，不过馒鱼好干无汁，芥辣八爪鱼一啲芥辣味都无；团购每位118，还要加一服务费，坐低已发觉唔对路，张ORDER纸好少野食，同团购时列出嘅ORDER纸差好远，唔驶食两个钟已经无乜可以再叫，6点半入座无乜人，但上菜好慢，划纸无数，出极都系𠮶两三样，其他无又唔出声，要追几次先话无，免费清酒亦失迹了，唯一可赞系俾多左半个钟我地坐，虽然周围都系吉枱，这家，下次不会了。