金拇指米線 (紅磡廣場) (已結業)

话说见到团购$98蚊劲平,又冇加一,又有得任食,梗系狗冲破地狱la一入到黎有点中伏既感觉,food court黎既...好啦唔理照食,嗌咗鸡煲(其实我想食烤鱼,但3vs1,鸡煲赢...),味道竟然出乎意料地好食,唔知佢个汤包系边买xd,分量都唔少,4个人非常够食(隔离枱都系4个人,但佢地可以打两个煲...why...)到咗自取食物区...种类选择冇团购纸上面咁多,但有我最钟意既芝士丸,咁就放过佢啦...自取食物有好多蔬菜拣,仲有丸类,菇类,猪肉,鸡肉,公仔面,乌冬...但有点要留意,有d嘢夹晒佢系唔会refill既!除咗以上个d,仲有雀巢家庭装雪糕任"笔"(唔会refill),熟食(见到都唔开胃)有咖喱鱼蛋,炒面,韭菜猪红,仲有每人送5串串烧(味道几好,分量超少),但都预咗主菜系边炉,唔会食得落串烧啦(只可以落一次单)肥牛系要问佢攞的,一次会打孖上,过得去fd话好似屋企打边炉咁,哈哈,嘢食过得去,系环境差少少,要求高就唔好黎呢到啦,今次纯粹抱住破地狱既心态黎既啫...就算够钟都唔会催你走,所以各位放心慢慢食啦不过要有心理准备,呢到个阿姐讲嘢系完全听唔明咖,锻炼下各位听力啦!