影片
更多
2012-08-02
250 浏览
6月5日, 菲菲比比129周月快乐! 又到咗食大餐嘅时间~ 今次拣嘅系位于中环soho充满俄罗斯特色嘅东欧菜馆Ivan the Kozak! 因为之前食过, 对餐厅充满俄国风情嘅环境印象好深刻, 早前见到佢推出$138包头盘、汤、主菜、甜品嘅团体餐, 就二话不说买咗喇! 是夜平日餐厅只有一、两枱客, 基本上全间餐厅任我地坐, 我地就拣咗个比较阔落又有d装饰嘅四人枱坐低~::: 乌克兰正宗罗宋汤 ::: 未去过乌克兰, 唔知正宗嘅罗宋汤应该系点, 但呢个罗宋汤同平时饮开嘅绝对唔同~ 汤中嘅蔬菜全部都切成幼丝, 茄味唔算突出, 肉味亦较淡, 整体味道较酸, 但无一般罗宋汤咁多油. 因为之后嘅头盘同主菜都系啖啖肉加浓重酱汁… 呢个汤清清地当系开胃菜确系唔错~::: 俄国烟肉马豆汤 :::呢个汤个味道会同罗宋汤有个大对比, 味道比较甜d, 亦都因为加咗烟肉, 所以亦有一阵咸味~ 一路饮会有d肉呀, 豆茸咁, 都有口感, 唔错~::: 招牌芝士焗牛脷+ 俄国焗蘑菇 + 三文鱼子酱 ::: 团购餐包每人一客三文鱼子酱, 另外再自选两款头盘, 我就拣咗招牌芝士焗牛脷+ 俄国焗蘑菇. 三文鱼子酱以cr
::: 乌克兰正宗罗宋汤 ::: 未去过乌克兰, 唔知正宗嘅罗宋汤应该系点, 但呢个罗宋汤同平时饮开嘅绝对唔同~ 汤中嘅蔬菜全部都切成幼丝, 茄味唔算突出, 肉味亦较淡, 整体味道较酸, 但无一般罗宋汤咁多油. 因为之后嘅头盘同主菜都系啖啖肉加浓重酱汁… 呢个汤清清地当系开胃菜确系唔错~
::: 俄国烟肉马豆汤 :::呢个汤个味道会同罗宋汤有个大对比, 味道比较甜d, 亦都因为加咗烟肉, 所以亦有一阵咸味~ 一路饮会有d肉呀, 豆茸咁, 都有口感, 唔错~
::: 招牌芝士焗牛脷+ 俄国焗蘑菇 + 三文鱼子酱 ::: 团购餐包每人一客三文鱼子酱, 另外再自选两款头盘, 我就拣咗招牌芝士焗牛脷+ 俄国焗蘑菇. 三文鱼子酱以crepe包裹, 伴以少许葱粒碎蛋沙律同食. 味道其实同平时食日本野嘅三文鱼子差唔多, 都系咸咸腥腥, 不过配埋沙律同crepe食又几得意.
芝士焗牛脷系一pat野咁, 卖相十分求其… 但味道其实不错~ 牛脷虽然牛味不足, 但质地够软腍, 配上浓香芝士好惹味!
俄国焗蘑菇其实都系一pat忌廉蘑菇, 配多士同食~ creamy蘑菇加脆口多士口感同味道都好夹~ 好味!
::: 猪腩肉冷盘 + 乌克兰香煎薯饼 + 三文鱼子酱 ::: 猪腩肉冷盘有三片薄切肉, 由于系薄片加上系冻食, 基本上猪味已经系无乜, 好在亦食唔出腩肉嘅肥腻感. 奉上德国面包一片同酸瓜条, 原意应该都系减轻腩肉嘅肥腻感, 但因为本身个肉都唔觉好肥, 面包又颇干, 所以两样野夹埋又冻又干, 酸瓜亦无乜作为.
乌克兰香煎薯饼已经唔热, 仲颇油腻. 薯饼外皮已经淋咗… 咬落亦食唔都一丝丝嘅薯肉, 反而变为一patpat… 薯仔味道系香甜嘅~ 但因为太油, 再捞埋d酸乳酪酱… 感觉就系腻…
::: 俄式焗兔肉 :::印象中无认真食过兔肉, 所以主菜之一就拣咗要一客俄式焗兔肉试下~ 呢碟兔肉都相当之大对头, 大大件起码有半只兔仔嘅份量! 兔肉连骨架原件上碟, 除咗胸位之外又有脾位, 而且可以轻易同骨架分开,肉质都颇嫩滑, 不论卖相以至肉质其实都好似鸡肉咁~ 酱汁系由大量蔬菜丝加白酱煮成, 忌廉味中渗出淡淡蔬菜甜味, 同兔肉亦颇夹! 之不过份量实在太多, 加上酱汁又太浓腻… 再食埋d配菜等真系十分十分饱!
::: 焗苹果鸭胸 ::: 记得之前食过焗苹果鸭胸系原盅上嘅, 十分之有特色, 亦算系呢度嘅招牌菜之一~ 不过今晚呢味苹果鸭胸就改用碟上, 风味大减, 亦难以分辨边d系鸭胸边d系苹果… 鸭胸切成一件件, 但由于苹果酱汁味道太浓, 鸭肉味亦被掩盖不少. 苹果酱汁甜中带酸, 苹果粒亦煮得粉粉腍腍, 唔系唔好食, 不过唔系我地杯茶啫~
::: 俄国苹果肉桂薄饼 ::: 其实食完主菜已经好饱好饱! 好彩呢个苹果肉桂薄饼都唔算太大件… 整体唔会太甜, 亦唔会好腻~ 唔错.
::: 雪糕 :::雪糕就系普通货色~ 加d朱古力酱咁啰…
::: 捷克啤酒 ::: $55虽然唔系成日饮啤酒, 最主要呢个生啤嘅味道好富麦味, 苦味比较多~
::: Peach Beer ::: $40食欧洲菜经常都有d唔同味道嘅果味气酒饮, 最常见嘅都系apple cider之类嘅野, 今晚就试咗个蜜桃啤酒~ 蜜桃味好香甜, 令酒变得好易入口, 好好饮!
餐厅位置系有d隐蔽, 不过因为之前都曾经去过, 所以都唔算难揾, 反而一开头上错楼梯行咗去餐厅酒吧𠮶层… 而其实餐厅入口系喺地下. 虽然是夜人客唔多, 但其实侍应亦只系得两三个, 所以服务系比较慢… 其中一个唔系好熟手嘅女仔仲要无落单, 搞到我地等咗成半粒钟先有得食! 其实服务质素未够殷勤, 但态度系好嘅~ 期间都有主动问下我地d野啱唔啱食, 亦都好落意帮我地影相! 总括而言, 论环境气氛呢度系有嘅~ 食物呢, 就可能要食番d正常menu先知系咪够正宗. 有机会都会再嚟试~ 不过今次个团购餐就只系值个ok啫!张贴
