囍慶藝廚酒家 (已結業)

因为唔熟土瓜湾，就开openrice揾间酒楼同家人晚饭，见呢间都几多正评，就试一试。环境喺旧区来都算干净整洁，座位都几阔，第一印象不错。囍庆小炒王，估唔到呢度嘅小炒王系腰果西芹虾仁，味道还好，腰果几脆，略嫌镬气不足。蒜蓉粉丝蒸元贝，蒜香味一流，呢个蒸得够出色，元贝几大粒，粉丝又入味！孜然葱爆牛肉都不错，反而比小炒王够镬气，牛肉几淋，大葱好香。头抽银鱼蒸茄子🍆，蒸鱼豉油好入味，配合鱼干几夹，不过有啲茄子切得太大旧，蒸得不够淋，但味道出色！附送绿豆沙糖水，足料！可惜煲得不够喉，变成绿豆渣。总括价钱经济实惠，🍻大枝蓝妹啤酒只系$36比其他酒楼平成$5-6，抵饮抵食。