影片
更多
2022-02-27
266 浏览
💎总评分：9.0/10-最近天气冻☃️，想食啲暖粒粒嘅野就即刻谂起煲仔饭，记得之前有间cafe出名食日式煲仔饭，将传统菜式用FUSION方法演释，WFH weekday lunch马上嚟试下😋。除左煲仔饭之外，cafe必备嘅All day breakfast、pasta 🍝、burger🍔都有，另外仲有日式串烧，一定揾到啱自己嘅口味。1️⃣ 黑毛猪肋肉日式煲仔饭 $178Lunch set 有多过10款主食，送餐汤，不过小编一心只想食煲仔饭😋。当日嘅餐汤系南瓜忌廉汤，香浓嘅南瓜味🎃，质素中上。期待已久嘅煲仔饭嚟到时有木盖盖住，一打开即刻冒烟，传来阵阵香味🤤。选用黑毛猪特别重猪肉味🐖，口感松软，配埋杂菌同特制嘅煲仔饭酱汁，味道一流💯。当然唔少得拮爆蛋黄𠮶下快感，蛋香味成功令个饭推到更高层次🥚，值得一赞嘅系，食到最尾会有饭焦，简直系煲仔饭嘅精粹👍🏻！2️⃣ 双重芝士•蟹肉•焗大啡菇 $63大啡菇即叫即焗🍄，等候时间比较耐，但系完全值得！大啡菇成功锁住水份，食落唔干身仲好juicy，上面有双重芝士🧀，中间夹住厚厚一层蟹肉🦀，一啖咬落去有多种质感，底部嘅薯蓉令整个菜式无咁单调，打得唔算细滑，会食到薯
-
最近天气冻☃️，想食啲暖粒粒嘅野就即刻谂起煲仔饭，记得之前有间cafe出名食日式煲仔饭，将传统菜式用FUSION方法演释，WFH weekday lunch马上嚟试下😋。除左煲仔饭之外，cafe必备嘅All day breakfast、pasta 🍝、burger🍔都有，另外仲有日式串烧，一定揾到啱自己嘅口味。
1️⃣ 黑毛猪肋肉日式煲仔饭 $178
Lunch set 有多过10款主食，送餐汤，不过小编一心只想食煲仔饭😋。当日嘅餐汤系南瓜忌廉汤，香浓嘅南瓜味🎃，质素中上。期待已久嘅煲仔饭嚟到时有木盖盖住，一打开即刻冒烟，传来阵阵香味🤤。选用黑毛猪特别重猪肉味🐖，口感松软，配埋杂菌同特制嘅煲仔饭酱汁，味道一流💯。当然唔少得拮爆蛋黄𠮶下快感，蛋香味成功令个饭推到更高层次🥚，值得一赞嘅系，食到最尾会有饭焦，简直系煲仔饭嘅精粹👍🏻！
黑毛猪肋肉日式煲仔饭
$178
18 浏览
0 赞好
0 留言
2️⃣ 双重芝士•蟹肉•焗大啡菇 $63
大啡菇即叫即焗🍄，等候时间比较耐，但系完全值得！大啡菇成功锁住水份，食落唔干身仲好juicy，上面有双重芝士🧀，中间夹住厚厚一层蟹肉🦀，一啖咬落去有多种质感，底部嘅薯蓉令整个菜式无咁单调，打得唔算细滑，会食到薯仔粒🥔，不过小编反而觉得咁样好似用少左牛油/cream，相对无咁肥👏🏻。
双重芝士•蟹肉•焗大啡菇
$63
18 浏览
0 赞好
0 留言
双重芝士•蟹肉•焗大啡菇
$63
17 浏览
0 赞好
0 留言
3️⃣ 玫瑰芋泥日式卷蛋 $58
店员推介呢款蛋糕好啱女士食，因为玫瑰口味比较lady🌹。卷蛋嚟到时，小编有少少好奇点解蛋糕唔系粉红色，但系食落又有阵阵玫瑰味，口感软绵，再加上中间嘅芋泥🍠，甜度适中，都真系几啱女士食💁🏻♀️。
玫瑰芋泥日式卷蛋
$58
8 浏览
0 赞好
0 留言
4️⃣ 法式焦糖布丁 +$15
最后发觉一个蛋卷系未满足到小编食甜品个胃，于是就加配一个迷你法式焦糖布丁🍮。质素中规中矩，追加$15就食到都算抵食。
小店提供各类菜式，最为吸引当然系日式煲仔饭，啱哂钟意食煲仔饭又钟意试新嘢嘅朋友👍🏻。Menu唔只得一款煲仔饭，相信实会揾到𠮶啱自己嘅口味。多类甜品都系自家制🍰，十分有心思，值得一试。
-
环境服务：⭐⭐⭐⭐
食物质数：⭐⭐⭐⭐⭐
打卡指数：⭐⭐⭐⭐
题外话/补充资料：
🚗 餐厅系地舖，外边有少量咪表位，就算等唔到就咁泊街都可以望实架车。
(以上食记乃用户个人意见 , 并不代表OpenRice之观点。)
张贴
