伊斯坦堡特快 (新文華中心) (已結業)

自从我去过一次土耳其，对土耳其豆蓉汤念念不忘，趁今日攞半日假出尖沙咀睇医生，因利成便去伊斯坦堡特快食番个土耳其午餐。入去坐低，waitress 埋嚟set枱跟住摆低三支特色酱，环顾四周，得我系本地人，我order咗个午餐，主菜我拣土耳其式烤羊肉粒卷，餐饮可拣汽水柠荼柠水，入到嚟梗系唔会拣呢尐啦﹗我要咗杯热土耳其茶；午餐不包餐汤，餐汤加$20，我为咗豆蓉汤而来，呢廿蚊唔悭得。豆蓉汤味道ok，香料味道唔太抢，美中不足系豆蓉唔够，汤略稀；饮落好似少咁尐嘢咁，有尐失望。主菜烤羊肉粒卷，有薯条跟，羊肉粒卷好足料，除羊肉粒外，仲有好多菜，羊肉粒好滑，有肉汁，唔韧冇膻味，将三支特色酱混埋羊肉粒卷一齐食，味道好特别但唔奇怪，十分讨好。顺便一提，三支特色酱都好「漏」，但值得一试。