Pasha Turkish Cuisine

营业中

休息中

假日去愉景湾行吓放松吓都系一个唔错嘅选择。呢间餐厅喺沙滩附近，价钱合理。土耳其风情嘅菜式平时都比较少食到，Menu上边选择都几多。HALLOMI SALAD香烤乳酪蔬菜沙律呢款比较特别有香烤乳酪，佢嘅口感就类似豆腐干，但系多少少咬口，同埋有淡淡芝士嘅味道，咸咸地咁个人几钟意。配上新鲜嘅沙律菜好开胃又健康。(CHICKEN) SACTAVA土耳其炖鸡肉铁锅呢个系一人份量，佢份量都几多下。饭上边铺满鸡肉，同埋三色椒，佢用铁锅去整，所以啲饭上到枱都好香。LAMB KÖFTE经典烤羊肉配饭佢呢个份量都系好大份，佢嘅烤羊肉系类似我哋平时食嘅汉堡扒咁嘅做法，但系佢系好香羊肉味同埋佢哋嘅香料，好好食。佢啲食物好多都配上咗啲蔬菜，可以解腻，又健康。SIRMA 柠檬味 石榴味佢系有唔同味道嘅有气矿泉水，餐厅职员好贴心仲俾咗两个冰杯我哋。