恆河咖喱餐廳 (已結業)

跟太座一家远征西湾河，嚟食个圣诞咖喱大餐...筲箕湾嘅本店就食过一次，呢度就未试过。试过后发觉水准差别不大...食到杯盘狼籍，有如狂风扫落叶..当中最出色要算系chicken korma。呢款印度嘅"白咖喱"，椰香味甚浓，加入大量腰果，且辣味不浓，啱晒不太食得辣嘅太座。鸡件亦颇滑，醮上roti及naan饼而食，转眼间已食至碗底朝天。再追加嘅duck breast korma，亦同样食到一滴汁也不剩...见menu上有vindaloo呢款印度辛辣咖喱嘅代表，想叫。但惊唔太食得大辣嘅太太一家接受不到，就此作罢...再叫多款masala配羊腩及羊膝，都做得不错。羊膝入口肉淰糯，不过唔多够膻...猪仔脾tandoori亦做得不俗，不太干，仍留有少少肉汁，肉亦不韧...水准仍是不错，且价钱够平，值得再试...