The Wall Street Bar & Lounge

营业中

休息中

今日适逢圣诞节长假，梗系要约朋友去尖沙咀应吓节，影吓圣诞树之余又食个晚餐聚下旧。其实每逢呢一啲节日要揾一间性价比高嘅餐厅一啲都唔容易，尤其是系尖沙咀。今日揾咗呢一间西餐，入边有好多唔同类型嘅餐点，仲要有好多条酒。卡邦尼扁意粉 佢呢一个卡邦尼材料用咗烟肉同芝士，味道好浓厚，加埋黑椒嘅味道，令到成个菜式好有口感。本身好怕意粉入面有啲洋葱，因为本身自己麻麻哋阵味，佢呢一个就主打扁意粉。慢煮烟熏黑毛猪叉烧 好难得见到餐厅有慢煮叉烧，而且仲要系黑毛猪，于是就叫咗嚟试一试。叉烧嘅味道同我哋平时食嘅差不多，但系佢就选用咗比较少肥膏嘅部份，加埋佢嘅甜酱，味道相当唔错。法式鹅肝薯仔千层 另外叫咗呢一个鹅肝小食，佢有三层，最面系忌廉、中层系厚切鹅肝、底层系薯仔千层。三层嘅味道都非常之夹，而且啱啱煎好新鲜热辣辣咁上碟，非常之好味。