大滾友火鍋 (美新大廈)

营业中

休息中

相约住大埔嘅朋友去呢间知名嘅宫廷式火锅店食火锅，入到去真系有啲似置身宫廷一样，高贵典雅，近入口位置仲有一张大龙椅，好有气势！除咗装修有特色，连餐具、器皿、食物嘅摆盘都好有派头～龙趸片木瓜鱼汤锅汤底好浓郁，味道超鲜甜，忍唔住饮咗好多碗 。龙趸片同埋木瓜嘅份量非常之多，感觉食极都有。 龙趸片几乎冇骨，啖啖肉，啱晒我位怕吐鱼骨而好少食鱼朋友。大滚友牛肉拼盘能够食到咁多款优质嘅牛肉部位实在大满足，牛舌、牛颈脊、牛胸爽、牛小排、牛𦟌等等，肉质、口感非常之好。伊比利亚橡果猪超高质嘅猪肉，颜色鲜榨，鲜味十足，薄薄一大片，渌一阵好快就食得！大滚友杂菜拼盘提供菜嘅份量同款式非常多同充足，感觉食极都食唔完咁😜黄金藏娇和牛墨鱼丸造型很特别的，金黄外表嘅墨鱼丸，里面竟然包住和牛粒，爽口弹牙有创意 。黑松露蟹肉饺感觉黑松露加蟹肉呢个组合实在太高级喇，里面好多蟹肉，实在系首选嘅手打饺类之一。配返榨自家制足料竹蔗茅根，清润美味 。最后嚟个特色甜品「火焰焦糖豆腐花」，职员即场预备，洒上黄糖、淋上酒，再用火枪烧，面头即形成轻薄嘅焦糖。食嘅过程也feel到啲酒嘅味道，豆腐花豆香味十足。