新蒸武門 (已結業)

有次系工厦食晏路过喱间，睇到餐牌系住家菜款式，所以夜晚就黎试，果然无令我失望。枱面摆放左八宝茶，非常养生咁，可以自行加热水饮用。西兰花🥦三色椒炒带子，平时西兰花炒带子是我姐至爱的𩠌菜，所以时不时呀妈都会煮，第一次试出面既手势，卖相加左三色椒系靓啲，带子有成9-10粒，仲要大大粒，鲜甜香味浓浓。西兰花我钟意爽脆啲，唔会煮到太腍，佢正正系我想要果种。椰子雪耳炖鸡，听个名都觉得可以滋润补虚，非常足料，雪耳，龙眼，干鸡，椰子🥥，可连汤渣一齐吃土鱿莲藕煎肉饼，唔易散开，吃起来爽脆清甜，两面都煎到微微香口，虽然用免治猪肉，食到肥膏比例都比较多，反而令口感比较弹牙。