影片
更多
2010-03-15
796 浏览
婚礼过后, 天又新年到, 又近Easter. 夹班兄弟姊妹出黎庆功都搞到改期又改期. 结果于星期五晚, 终于夹到成班朋友出黎. 但由于工作同居住地点关系. 始终都系夹唔齐人, 是晚只有7人出席.特地找来了这私房素菜, 地点不易找. 没有门牌, 没有指示, 完全靠客人介绍同做熟客仔生意. 而我是因为有食友介绍过同食过才安心去订下位子, 再预先点下几道其拿手既菜式. 做就这一次人不齐的庆功宴. 而数下数下, 这个是我第1400篇食评. 我们7人, 选择了入房坐, 比较private, 几嘈都唔怕, 不过就欠了一个电视. 这里就半自助式, 汤饭糖水任食, self service. 餐具自拿, 碗筷自取, 食完, 最好帮手清台. 人未齐, 大家自助地每人一个汤先. 而是日的例汤是西洋菜大豆汤. 平常系屋企煲, 通常都会见到南北杏, 这里的就换成大豆. 出来的汤, 多了豆味. 而且一打开个煲, 好多好多西洋菜. 果然叫少一味𩠌都得.人齐了, 即时上菜. 而第一道菜就是此私房馆子的名物. 斋叉烧. 此叉烧做得真是100%形似. 叉烧, 其实由薄薄的叉烧酱包著, 斋看, 已经同真正既叉烧似到十足十
特地找来了这私房素菜, 地点不易找. 没有门牌, 没有指示, 完全靠客人介绍同做熟客仔生意. 而我是因为有食友介绍过同食过才安心去订下位子, 再预先点下几道其拿手既菜式. 做就这一次人不齐的庆功宴. 而数下数下, 这个是我第1400篇食评.
我们7人, 选择了入房坐, 比较private, 几嘈都唔怕, 不过就欠了一个电视. 这里就半自助式, 汤饭糖水任食, self service. 餐具自拿, 碗筷自取, 食完, 最好帮手清台.
人未齐, 大家自助地每人一个汤先. 而是日的例汤是西洋菜大豆汤. 平常系屋企煲, 通常都会见到南北杏, 这里的就换成大豆. 出来的汤, 多了豆味. 而且一打开个煲, 好多好多西洋菜. 果然叫少一味𩠌都得.
人齐了, 即时上菜. 而第一道菜就是此私房馆子的名物. 斋叉烧. 此叉烧做得真是100%形似. 叉烧, 其实由薄薄的叉烧酱包著, 斋看, 已经同真正既叉烧似到十足十. 食落去, 味道浓浓的, 再细嚼一下, 口食落去, 虽然同真正既肉的确有分别, 但已经系似到足. 而且, 朋友夹起, 细心看, 竟然做到有肥羔的, 斋叉烧肉做出一层透明的斋肉, 来扮肥叉. 果然巧功夫.
之后是沙嗲, 沙嗲粉丝煲. 素食的沙嗲汁, 每一间素食馆子都有唔同既做法. 伴上生菜同素鱼腐, 味道可算不错. 只是个沙嗲味未食惯而已.
清淡少少有个炒杂菜. 用了素虾饼去伴, 多了一种惹味. 青菜木耳味道清淡, 食落健康非常.
再来的, 是荷叶炆金针云耳猴头菇. 即是荤的金针云耳蒸鸡. 猴头菇用来煲汤就食得多. 用来当素鸡咁食, 就的确是第一次. 没有放汤, 咬落唔会辣亲. 因为没有索入太多既热汤. 呢次索的, 是炆𩠌既汁, 本身冇乜味既菇, 一咬充满荷香同金针云耳既精华, 非常之美味.
我习惯叫返个鱼. 食素鱼, 除了芋头鱼之外, 就是这个素左口鱼吧. 加上陈皮, 同芫茜去蒸, 做法同普通蒸鱼冇分别. 而且平时我只是食开一块块的鱼片, 这次成条, 有头有尾, 果真是第一次见. 味道是我最喜欢的, 不过几位斋妹, 因为经常食呢味菜既关系, 令到负责点菜的我, 倍加投诉.
最后出场是沙嗲串烧, 不过味道太浓反而令由细到大都食素既几位小妮子不大喜欢. 此沙嗲酱就似番个沙嗲酱, 好香花生味既酱, 淋在一串串的烧面筋上. 非常之惹味. 味道浓烈, 香口. 而且仿真度一样超高, 朋友说, 之前的叉烧已经被比下去了.
饭是红米饭, 任食. 糖水是麦米粥, 一样任食. 甜味一般, 没有太过火. 而且食完咁多味浓既野. 来一个清清淡淡的糖水. 更加可口怡人.
埋单$398, 咁有水准的私房斋菜. 收咁既价钱. 非常之抵食啊. 不过, 呢度既特色菜对我们这些食肉兽就可以好满足. 但长食素的人, 实在不宜食浓味的这几道菜. 我应向其淡味的素菜著手才对.......斋妹又骂道......"你又只顾点自己喜欢的菜......
嘻嘻, 下次醒目D .....
张贴
