在家居酒屋 (已結業)

前排想去食但咁啱撞正佢地休息，今晚终于有得试！餐厅系型格水泥风装潢嘅日式居酒屋～餐牌有劲多选择，睇到我地都眼花撩乱，有各式串烧、锅物及烧物等均有供应，亦有多款寿司及丼饭选择！但一场黎到紧系要试啲特色野，分别叫咗个温泉蛋海胆吞拖罗蓉丼同埋蟹肉蟹膏海胆丼！两个丼之中蟹肉蟹膏份量最多，虽然外貌平平，但系好香蟹味！个碗一大部分都比佢填满，份量劲满足！至于两碗嘅海胆都系差唔多质素，唔算好甜但都有海胆嘅香味！相对黎讲拖罗蓉嘅份量算系比较少，不过食晒成碗饭都已经几饱(^o^)期间我地仲叫咗两份串烧黎食，月见鸡软骨棒同牛舌芯，鸡软骨棒份量比出面嘅要大条，食到粒粒鸡软骨，连埋蛋浆食一流！牛舌芯就好淋好香口，满足！