Espresso Alchemy

营业中

休息中

香港作为一个国际大都会，实在有好多可以叹到好咖啡嘅地方。今日就嚟咗尖沙咀美丽华地库一间叫 Espresso Alchemy 嘅咖啡室。头盘先点咗一个鸡扒沙律$78， 真系十分值得推介。如图中所见， 大鸡扒足足有差唔多成二十件， 一般沙律嘅鸡扒都系白烚， 肉质非常之鞋口，无味无道，但系呢个鸡扒热辣辣， 鸡肉出奇地鲜嫩， 配上新鲜嘅沙律菜，十分醒胃。然之后点咗个蕃茄虎虾意粉$123， 个意粉味道偏淡， 咁样反而可以食得出番茄嘅鲜甜， 带有少少酸味 ，食落一啲都唔会觉得腻。 虎虾有三只咁多，只只都好大只 ，虾肉爽口弹牙。甜品方便就嗌咗个白朱古力咖啡多士 $49。同样地份量十足，有三层咁多 ，中间夹咗黑色一点点嘅， 我谂可能系coffee ground磨出嚟嘅。 入口有淡淡嘅咖啡香味， 整体味道唔会太甜， 食落好舒服 。嘢饮方便就点咗个绿茶latte $41， 服务员好细心咁解释如果饮品内有揸系正常㗎 ，绿茶味十分浓沃 ，茶同奶嘅比例好均匀 。最后点咗杯Flat White $41。 喺香港饮咗咁多咖啡，终于喺呢度畀我揾得返喺纯正澳洲𠮶种 Flat white嘅味道 ，咖啡甘香，奶又打得好滑。