夏銘記 (已結業)

最好系食个便面。以往我会去转弯位好面膳食麻辣米线, 但因为佢食物质素同加价幅度成反比, 又听男朋友讲佢d鱼片顶呱呱咁不得了, 故是夜弃麻辣取鱼蛋。未入到门口, 见到有一樽樽辣油卖, 真系好想试下有几巴闭㖞。坐低叫左紫菜鱼蛋米同鱼蛋河多青。加鱼皮$6, 有半碟, 一碟就$12, 我觉得十分user friendly呢! 所以加左佢地自称的招牌鱼皮。入面装修简单, 餐具等都几干净。男女洗手间都系放心去果只, 对于一间面店而言, 系加分的。帮衬过以上地方后, 食物相继到站。份量系大碗的。鱼蛋有4大粒, 鱼片有2大块, 紫菜都系食极仲有。不过叫佢多青就唔够多, 鱼皮亦漏单, 汤都唔多够。出声问姐姐要碗汤多青同埋鱼皮, 姐姐亦好好笑容咁俾左碗好多青的汤我。鱼皮好脆好薄, 沾到汤以后唔好过太耐果只。好食。鱼蛋就反而一般, 几大粒, 我稍嫌佢松散左少少, 当然比出面d行货好好多, 但系都唔够大埔一众食肆出色, 有一旧我仲食到骨添。鱼片方面, 我好好彩咁有一件片头, 系比鱼蛋好食的。紫菜冇沙, 加分。米粉比河粉好食。我最欣赏系佢d葱, 切到好细好细, 令每一著面都可以有葱粒痴住食。