影片
更多
2022-10-27
1072 浏览
同朋友食生日饭🥳，佢最钟意食海鲜，但大家都系无饭一族，所以一定系出去食！之前已经食过几间蒸气火锅，质素唔错，但又未至于想翻啅。今晚试新嘢，帮衬位于铜锣湾嘅「船涡」。餐厅环境别具特色，四周围都系竹帘，尽量为客人提供私人空间，亦同时符合佢一人蒸气锅嘅主题。呢度每一枱都散出蒸气♨️，但通风OK，食完离开都无一大浸味。我哋坐喺高枱，两人面向同一边，方便边食边倾👫，而且座位都算阔落。餐厅设有四款套餐，由平至贵分别系九品芝麻($218)、内务总管($288)、八符巡按($388)同九五至尊($598)，套餐命名好鬼过瘾🤣。每款套餐嘅内容稍有分别，丰俭由人。期间限定嘅「横行无忌套餐($398)」仲有得食大闸蟹添，啱晒季节🍁。首先第一道上嘅菜系三点刺身🍣，包括北寄贝、甘虾同帆立贝，份量少少哋，但新鲜，开吓胃先。未食海鲜前，仲有炸物暖场🍗，两款餐嘅小食款式唔同，分别系日式炸鸡同芝麻鸡翼并鸡软骨饺子。虽然炸物唔系乜矜贵嘢，但都炸得松脆，唔油腻，有一刻以为自己系嚟食放题，哈哈。1️⃣我哋点嘅第一款餐系八府巡按，海鲜款式包括白蚬、虾、鲜鱼片、鲍鱼、龙虾(半只)、元贝、肉蟹(半只)同贵妃蚌。其中蟹同蛏子二选一。2️⃣ 我
同朋友食生日饭🥳，佢最钟意食海鲜，但大家都系无饭一族，所以一定系出去食！之前已经食过几间蒸气火锅，质素唔错，但又未至于想翻啅。今晚试新嘢，帮衬位于铜锣湾嘅「船涡」。
餐厅环境别具特色，四周围都系竹帘，尽量为客人提供私人空间，亦同时符合佢一人蒸气锅嘅主题。呢度每一枱都散出蒸气♨️，但通风OK，食完离开都无一大浸味。
我哋坐喺高枱，两人面向同一边，方便边食边倾👫，而且座位都算阔落。
餐厅设有四款套餐，由平至贵分别系九品芝麻($218)、内务总管($288)、八符巡按($388)同九五至尊($598)，套餐命名好鬼过瘾🤣。每款套餐嘅内容稍有分别，丰俭由人。
期间限定嘅「横行无忌套餐($398)」仲有得食大闸蟹添，啱晒季节🍁。
首先第一道上嘅菜系三点刺身🍣，包括北寄贝、甘虾同帆立贝，份量少少哋，但新鲜，开吓胃先。
未食海鲜前，仲有炸物暖场🍗，两款餐嘅小食款式唔同，分别系日式炸鸡同芝麻鸡翼并鸡软骨饺子。虽然炸物唔系乜矜贵嘢，但都炸得松脆，唔油腻，有一刻以为自己系嚟食放题，哈哈。
八府巡按
$388
43 浏览
0 赞好
0 留言
内务总管
$288
47 浏览
0 赞好
0 留言
蒸气炉好方便，就算手残都识用，旁边贴咗张纸列出每款海鲜要蒸几耐⏳，咁就可以确保唔会蒸过火或唔熟。
龙虾
32 浏览
0 赞好
0 留言
肉蟹
42 浏览
0 赞好
0 留言
蛏子皇($48/只)，隔离饭香，人嗌我又嗌，蛏子皇无呃人，坚系好巨型，有筷子咁长🥢。
鲍鱼以及元贝，依两款都好鲜味，但会好易蒸到变韧，不过好彩有时间锦囊⏱，所以无问题。
虾看似平平无奇🦐，不过都比一般白灼虾好食同弹牙，而且唔系虾毛。
白蚬
21 浏览
0 赞好
0 留言
肉类方面🥩，每个餐可喺猪牛鸡之中拣二，而牛肉喺两款餐之中有分别，我哋全部试晒，包括安格斯牛肉、美国肥牛、豚肉片同鸡腿肉。肉嘅份量都几多，但由于唔系打边炉，而系白烚，所以比较淡，建议要蘸酱汁食。
图中嘅系安格斯牛肉🐮，牛肉都几大块，纹理整齐。
酱油区啲调味料系大路嘢🌶。
三宝丸
27 浏览
0 赞好
0 留言
蔬菜拼盘几大兜🥦，包括有油墨菜、椰菜、冬菇、南瓜、粟米同翠玉瓜等。食咗咁多海鲜，要食返条菜中和一下，佢哋全部都几嫩绿。
粥底
31 浏览
0 赞好
0 留言
最后，甜品系雪米糍🍨，完满了。
店舖内有唔少鱼缸🐟，睇得出啲海鲜好生猛，多人帮衬就自然换货快。
总括嚟讲，我哋喺船涡之中享用咗一顿非常丰盛嘅海鲜大餐⛵️，海鲜最重要系啲乜？就系新鲜啰。佢每一样海产都好鲜，而且清蒸真系呃唔到人！如果想食海鲜，又想玩吓，不妨嚟呢度啊，推介👍。
张贴
