影片
更多
2021-11-25
434 浏览
之前中午时间经过见到「一起食堂 」已经想帮衬，但奈何次次都大排长龙。不过星期五晚就相反，皆因大家放工都想尽快离开观塘呢个上班地点💼，哈哈😆。餐厅门口有啲神秘，因为睇唔到入面。原来内里都几四正，装修唔算非常别致，但亦不乏台湾文青味道🇹🇼，而且最重要系坐得舒服。呢度主打台菜，不过同时亦有提供少量和风料理🍱。食物定价大众化，份量又够多，难怪午市咁爆场啦。红烧三宝牛肉面($88)，牛肉面好高质🍜，佢无论汤底、面条定𩠌料均处理得好好。面条并非用上阳春面，如果要形容，应该系似偏状嘅乌冬面，质感烟韧，并且唔会浸淋。🐮牛三宝包括牛肋肉、牛腱同牛丸，前两者大大件，肉身够厚，食落让人有满足感，而牛丸亦好正，爽弹多汁。红烧汤底几惹味🤤，微微酸、微微辣，只可惜比较少汁，唔够喉。葱油土鸡肉饭($58)，佢完全唔似台菜，因为一向食开嘅鲁肉饭都系好细碗。佢以汤碗装满饭🍚，你可想而知佢份量有几多！整体味道OK，每啖都食到鸡肉同干蒜🐔，仲有只卤蛋添，但略嫌偏干身，因为个饭无乜汁。不过我胆粗粗问店员有冇麻辣汁，点知又真系有，捞完汁成个饭感觉即刻升华不少🌶，佢嘅辣度啱啱好，香而不烈。盐酥鸡($38)，🍗炸鸡粒好出色，炸衣薄
之前中午时间经过见到「一起食堂 」已经想帮衬，但奈何次次都大排长龙。不过星期五晚就相反，皆因大家放工都想尽快离开观塘呢个上班地点💼，哈哈😆。
餐厅门口有啲神秘，因为睇唔到入面。原来内里都几四正，装修唔算非常别致，但亦不乏台湾文青味道🇹🇼，而且最重要系坐得舒服。
呢度主打台菜，不过同时亦有提供少量和风料理🍱。食物定价大众化，份量又够多，难怪午市咁爆场啦。
红烧三宝牛肉面
$88
4 浏览
0 赞好
0 留言
红烧三宝牛肉面($88)，牛肉面好高质🍜，佢无论汤底、面条定𩠌料均处理得好好。面条并非用上阳春面，如果要形容，应该系似偏状嘅乌冬面，质感烟韧，并且唔会浸淋。🐮牛三宝包括牛肋肉、牛腱同牛丸，前两者大大件，肉身够厚，食落让人有满足感，而牛丸亦好正，爽弹多汁。红烧汤底几惹味🤤，微微酸、微微辣，只可惜比较少汁，唔够喉。
葱油土鸡肉饭($58)，佢完全唔似台菜，因为一向食开嘅鲁肉饭都系好细碗。佢以汤碗装满饭🍚，你可想而知佢份量有几多！整体味道OK，每啖都食到鸡肉同干蒜🐔，仲有只卤蛋添，但略嫌偏干身，因为个饭无乜汁。不过我胆粗粗问店员有冇麻辣汁，点知又真系有，捞完汁成个饭感觉即刻升华不少🌶，佢嘅辣度啱啱好，香而不烈。
盐酥鸡
$38
7 浏览
0 赞好
0 留言
综合关东煮($58)，关东煮就普普通通🍢，汤底唔够正宗，并无日式𠮶种咸香。我觉得佢似杂丸汤多啲，款式系几多，但又无乜边款系特别嘢。
芋圆仙草冻($35)，最后当然要嚟返碗台式甜品🍮，仙草冻滑嘟嘟，清香唔会过甜。芋圆有三只色，卖相缤纷，而口感亦尚算Q弹，食埋佢真系饱晒。
嗌主食可以用优惠价$12加配$25以下嘅饮品🧋，我哋要咗冻珍珠奶茶同仙草冬瓜茶，两杯都大大杯，味道中矩中举，未有太大惊喜，不过抵饮。
总括嚟讲，餐厅各方面都唔错，喺观塘想食台湾菜可以考虑嚟呢度😉。除咗上述介绍，我亦想赞扬店员们嘅态度，佢哋全部都好有礼貌👍，净系呢点经已加咗唔少分。再加上佢系良心小店，值得大家多多支持💛。
张贴
