影片
更多
2010-11-18
547 浏览
9月11日, 呀比生日晚场~ 带咗佢去山顶嘅Bubba Gump食虾虾大餐~订位时已经表明要窗口位同埋系庆祝生日, 等佢地店方都有d神秘安排! 不过是夜天气欠佳, 沿路搭车上山顶时已经发现身陷一片迷雾… 预留嘅window seat结果望到灰蒙蒙一片… 哈哈哈~ 但咁反而好似置身仙境一样~ 好迷幻!::: Mango Orange Salsa ::: $62喺侍应推介下叫咗杯特饮Mango Orange Salsa试下~ 系冰凉透心嘅芒果沙冰! 不过其实重点系只有呀「甘」唛头兼识闪灯嘅杯!! 因为饮完沙冰侍应会帮你洗番干净送比你当纪念品! 其实一路闪一路食饭都几刺眼… 所以我地食食下都熄番盏灯… 但一场嚟到有得饮有得拎都几开心~::: Run Across America Sampler ::: $158呀「甘」大集荟外形整到成只船咁, 载有乘客灼冻虾、酥炸鲜虾、辣汁鸡柳、脆香海鲜球同埋爆谷虾五款小食~ 仲有唔同酱汁点唔同小食~ 真系有心思又有诚意! 先讲冻虾, 有弹性但欠鲜味, 略为失色… 反而酥炸鲜虾炸得脆卜卜, 食落竟然还带少少鲜味~ 点埋他他酱同食更鲜! 辣汁鸡柳一贯美式快餐味
订位时已经表明要窗口位同埋系庆祝生日, 等佢地店方都有d神秘安排! 不过是夜天气欠佳, 沿路搭车上山顶时已经发现身陷一片迷雾… 预留嘅window seat结果望到灰蒙蒙一片… 哈哈哈~ 但咁反而好似置身仙境一样~ 好迷幻!
::: Mango Orange Salsa ::: $62
喺侍应推介下叫咗杯特饮Mango Orange Salsa试下~ 系冰凉透心嘅芒果沙冰! 不过其实重点系只有呀「甘」唛头兼识闪灯嘅杯!! 因为饮完沙冰侍应会帮你洗番干净送比你当纪念品! 其实一路闪一路食饭都几刺眼… 所以我地食食下都熄番盏灯… 但一场嚟到有得饮有得拎都几开心~
::: Run Across America Sampler ::: $158
呀「甘」大集荟外形整到成只船咁, 载有乘客灼冻虾、酥炸鲜虾、辣汁鸡柳、脆香海鲜球同埋爆谷虾五款小食~ 仲有唔同酱汁点唔同小食~ 真系有心思又有诚意! 先讲冻虾, 有弹性但欠鲜味, 略为失色… 反而酥炸鲜虾炸得脆卜卜, 食落竟然还带少少鲜味~ 点埋他他酱同食更鲜! 辣汁鸡柳一贯美式快餐味道, 肉够香带少辣, 惹味~ 脆香海鲜球用虾肉鱼肉混打而成, 弹力十足, 但就要靠点汁先吊到d鲜味喇… 令人惊喜嘅系个爆谷虾~ 细细粒但好香口! 点汁唔点汁食都好味道~
::: Frankie’s Baked Seafood & Rice ::: $138
*** 不愧为食评热烈推介, 果然值得一试!!*** 以镬仔盛载嘅焗芝士海鲜饭卖相一流~ 中间以拳头咁大旧饭做主体, 伴以帕马臣芝士忌廉汁, 当中混杂住d虾呀、鱼肉、青口等海鲜, 仲有d切成碎粒嘅甜椒、洋葱同菠菜~ 要赞个汁真系好好味!! 芝士同忌廉味都好平均, 而且质地好creamy, 捞埋d料一齐食真系超赞!!! d饭又有少少似烩饭, 淋得黎唔会一pat pat, 索晒d汁真系令人食唔停口~ 亦由于个饭实在太好味… d海鲜反而变咗大配角…
::: Grill Shrimp ::: (main course +$48)
叫主菜加钱就可以要串烧虾或者沙律~ 呢个虾烧得干咗d, 肉质亦过实, 但味道都算鲜…
::: Birthday Sundae ::: complimentry
开头以为佢成杯都系cream, 我又一早自制咗个精美靓靓cake~ 所以吹完蜡烛一路都无理过杯野… 点知原来杯底系雪糕嚟架! 我地摆到佢溶晒先食… 搞到好似milkshake咁… 哈哈哈
人人都话呢度庆祝生日有气氛… 但就因为咁所以人人都嚟庆祝生日! 大大话话全晚听咗5、6次生日歌… 几乎隔离左右嘅客人都系嚟庆生… 最惨就系呀比又唔系第一个寿星, 搞到今次无乜surprise添! 不过overall成餐饭, 环境、食物、服务都算几好~ 希望呀比呢个生日过得快乐~ 以后都要虾虾笑! *O*
张贴
