影片
更多
2012-11-06
272 浏览
响上环工作已经接近１０年，响呢度用餐既次数多不胜数，由旧舖最出名既10蚊鸡扒肠蛋多士加热饮早餐，到现在12蚊白粥加炒面/米早餐，一直支持既原因不外乎三个字: 平、快、正~!!可能有不少人觉得畀唔出"正"字~因为又无好环境又无靓食材而且都系卖平民野~但阿水认为: 要响适当既餐厅叫适当既食物，如果唔系只系苦了自己又坏了餐厅名声 (当然餐厅出得餐牌都要负责) 今天心血来潮想食下午茶，于是午饭后立刻帮同事”落单” 两份猪扒包、两份奶油多、一份餐蛋治，４杯热奶茶，１杯热宁茶，盛惠７６蚊，三点半打电话，四点之前已送到。先前已叫过金太阳下午茶好多次，所以知道鱼柳包同猪扒包之间，应该拣猪扒包 (但其实鱼柳包都唔错，不过炸野始终热气)１７蚊一份既猪扒包，用超市有售既嘉顿汉堡包，包住与包面面积相约既薄身猪扒，猪扒煎得香但唔油腻，另外仲有沙律酱，三块大生菜以及一块鲜蕃茄～味道配合得妥到好处，绝对唔比同一条街既麦ｘ劳逊色，但价钱却比麦当ｘ平超过５蚊～热奶茶跟餐，唔使加钱，奶茶既味道好讲个人口味，所以以下只系阿水既感觉～系一般茶餐厅奶茶，但饮过咁多次都无试过太涩，淡奶比例算多，另外可要求多奶(个人喜好)～要讲系
可能有不少人觉得畀唔出"正"字~因为又无好环境又无靓食材而且都系卖平民野~
但阿水认为: 要响适当既餐厅叫适当既食物，如果唔系只系苦了自己又坏了餐厅名声 (当然餐厅出得餐牌都要负责)
今天心血来潮想食下午茶，于是午饭后立刻帮同事”落单”
两份猪扒包、两份奶油多、一份餐蛋治，４杯热奶茶，１杯热宁茶，盛惠７６蚊，三点半打电话，四点之前已送到。
先前已叫过金太阳下午茶好多次，所以知道鱼柳包同猪扒包之间，应该拣猪扒包 (但其实鱼柳包都唔错，不过炸野始终热气)
１７蚊一份既猪扒包，用超市有售既嘉顿汉堡包，包住与包面面积相约既薄身猪扒，猪扒煎得香但唔油腻，另外仲有沙律酱，三块大生菜以及一块鲜蕃茄～味道配合得妥到好处，绝对唔比同一条街既麦ｘ劳逊色，但价钱却比麦当ｘ平超过５蚊～
热奶茶跟餐，唔使加钱，奶茶既味道好讲个人口味，所以以下只系阿水既感觉～系一般茶餐厅奶茶，但饮过咁多次都无试过太涩，淡奶比例算多，另外可要求多奶(个人喜好)～
要讲系好正既奶茶，呢度唔算，要讲好难饮，又实在太过份，所以呢度绝对可以提供到一般茶餐厅既食物质素～
但系，中上环区一般茶餐厅一个餐已经要３５－４０蚊 (下午茶都至少要２０蚊) ，呢度提供既依然系２５－３０蚊一个饭加热饮/中汤，仲可以去边度捃？
另，重点推介～中汤～足料兼好味(拇指) 饮多咁多次，都睇唔出亦饮唔出有味精 =w=
题外话/补充资料：
因为系小店，所以人情味好浓厚 =w= 有次阿水去买饭畀爸爸食，唔要汤，但惊饭太少爸爸食唔饱，老板知道后就免费帮阿水加饭~
亦都因为系小店，所以入到去唔好谂住系酒店式服务~但大家绝对有礼貌，亦都好亲切 =w= 支持~!!
(以上食记乃用户个人意见 , 并不代表OpenRice之观点。)
张贴