焱丸水產 (已結業)

话说我哋已经有6个月无去日本啦！真系有啲挂住日本啲餐厅 (好彩我哋2月去北海道)，求其揾一间都好好味。为咗寻找日本嘅味道，我哋就去咗铜锣湾焱丸水产，入到餐厅真系以前自己去咗日本。聪明枝豆我听过诚实豆沙包，记忆力香口胶，不过第一次听聪明枝豆，我谂A姐真系要食多啲啦！嚟到热辣辣，加埋少少海盐，吊晒鲜味出嚟，正。炸莲藕片莲藕切得好薄，加上薄薄嘅炸粉，入口香脆，有淡淡嘅莲藕甜味，一啲都唔油腻。刺身三盛刺身三盛有三文鱼、油甘鱼同帆立贝。哗！全部都系厚切，尤其系三文鱼，口感一流！三文鱼肥美鲜甜，油甘鱼鱼油丰富脂够，帆立贝爽口弹牙。特上寿司盛盒呢个寿司盛合有11款寿司，包括海胆、拖罗、帆立贝、三文鱼腩、象拔蚌、三文鱼籽、松叶蟹膏、松叶蟹肉、赤海虾、鳗鱼同吞拿鱼蓉葱军舰。特别欣赏寿司饭用咗赤醋，特别香。海胆，鲜味十足，有淡淡海水味。拖罗，脂肪分布平均，鱼油丰富。松叶蟹膏，味道浓郁，蟹味十足，鲜甜美味。吞拿鱼蓉葱军舰，葱同吞拿鱼蓉配合得啱啱好，鲜甜美味。松叶蟹膏帆立壳烧原本谂住叫甲罗烧，不过点知卖晒，店员介绍松叶蟹膏帆立壳烧，只帆立贝超级肥美，好厚肉呀，仲有一堆松叶蟹膏同牛油。店员会帮大家烧，咁就唔洗惊