王子私房菜

营业中

休息中

山长水远入元朗探朋友，我对元朗就完全唔熟，由于朋友有大有细，朋友就话不如落楼饮茶啦。跟住朋友落楼下，带到我去酒楼门口，望一望，点解咁熟口面嘅？原来系王子饭店嘅分支，王子饭店尖沙嘴分店就食过，食物质素就唔错嘅，今日先知原来开到入嚟元朗，希望挂住王子个牌头啲质素都有返咁上下啦。由于朋友有小朋友，于是就交俾佢发办啦，费事叫咗啲小朋友唔食嘅嘢嘛。朋友简简单单都系叫咗啲点心，都系志在慢慢饮杯茶吹下水。都系奶皇包(小朋友钟意食)，肠粉，菜苗饺𠮶啲点心啦。因为大家都唔系太饿就冇叫咁多嘢费事食唔晒。味道都算唔错，有返尖沙咀嘅水准。菜苗饺皮薄尤其出色。食下坐下倾下，好快食咗个几钟就散场，虽然啲嘢食唔错，不过如果唔系探朋友都好难会特登入元朗食饭了。