影片
更多
2024-02-09
1604 浏览
上次嚟到土瓜湾北帝街一带食完晚饭后，经过见到呢间「Lamees」，餐厅门面装潢几特别，又有个电视不停播放短片，原来喺卖地中海菜，喺小弟比较少接触嘅菜系，所以，啱啱约咗位住晌土瓜湾嘅学弟，就谂起呢间餐厅，与期周围揾就不如试一试吓佢。推门内进，餐厅地方唔大，目测所见大概廿个位左右，但装修几精致，一室浅泥黄色，加上墙上富异国嘅装饰，配合灯效，立时彷佛好有种身在异地嘅感觉。而且，枱上嘅餐碟亦非常精致。见到枱角有个二维码，原来唔喺点餐用，喺一个线上餐牌，咁趁学弟未到，就睇睇有咩选择。方便大家参考，小弟就将个餐牌做咗截图出嚟。第一页就有关主厨及餐厅嘅详细介绍，原来主厨都大有来头，而餐厅嘅经营都有佢嘅理念，好似肉类都喺以天然、无激素为主，食材都会用嚟自自家农场嘅。再细阅餐牌，都有非常多选择，分类嘅大致分为汤品、沙律、点酱菜式、头盘、饭品、意大利面、阿拉伯式BBQ、烤焗类及甜品。而饮品方面，有红白餐酒、啤酒、汽泡酒、中东茶、咖啡、果汁、汽水及Lamees特饮。Baba Ghanooj $85点酱菜有经典嘅鹰嘴豆泥，亦有香气复杂嘅杂果仁酱，不过，我哋就试咗烤茄子蓉口味，而每一款都会配一份彼得包。茄子经过
推门内进，餐厅地方唔大，目测所见大概廿个位左右，但装修几精致，一室浅泥黄色，加上墙上富异国嘅装饰，配合灯效，立时彷佛好有种身在异地嘅感觉。
而且，枱上嘅餐碟亦非常精致。见到枱角有个二维码，原来唔喺点餐用，喺一个线上餐牌，咁趁学弟未到，就睇睇有咩选择。
方便大家参考，小弟就将个餐牌做咗截图出嚟。第一页就有关主厨及餐厅嘅详细介绍，原来主厨都大有来头，而餐厅嘅经营都有佢嘅理念，好似肉类都喺以天然、无激素为主，食材都会用嚟自自家农场嘅。
再细阅餐牌，都有非常多选择，分类嘅大致分为汤品、沙律、点酱菜式、头盘、饭品、意大利面、阿拉伯式BBQ、烤焗类及甜品。
而饮品方面，有红白餐酒、啤酒、汽泡酒、中东茶、咖啡、果汁、汽水及Lamees特饮。
Baba Ghanooj $85点酱菜有经典嘅鹰嘴豆泥，亦有香气复杂嘅杂果仁酱，不过，我哋就试咗烤茄子蓉口味，而每一款都会配一份彼得包。茄子经过炭烧之后，再搓成泥，加入灯笼椒、意大利蕃茜及蕃石榴，塞到个彼得包涨卜卜，咬落非常滋味，再者，啲彼得包轻烤过嚟，变得好软熟。
Baba Ghanooj
$85
1045 浏览
2 赞好
0 留言
Mankeesh Flat Bread (Zatar) $95第二道菜亦好有特色，大概直径七吋嘅扁面包切成八小件，包面睇到加入大量百里香同黑芝麻，入口包身有点脆，又有啲烟韧，香草味非常浓郁，又富芝麻香。伴碟仲有少少白芝麻酱及青瓜片作为间场，清清味蕾。另外仲有两款口味供选择：黑松露野菌、蒜蓉孜然。
Mankeesh Flat Bread (Zatar)
$95
33 浏览
1 赞好
0 留言
Baid ganam - Lamb Testicle $160店员问过我哋对内赃会唔会抗拒，就推介咗呢一道新菜式「香煎羊蛋蛋」，即喺羊嘅睾丸，胆粗粗就试吓，反正嚟呢间餐厅就喺想试吓新嘢。从餐牌所知，喺约旦传统嘅家常头盘，多数冬天食。同食羊肉唔同，无𠮶种羊膻味，味道温和，再者，加咗蒜蓉、柠檬汁、香草及橄榄油去煎，香味丰富；而咬落去口感软绵，又确喺有种食带子刺身嘅口感。
Arnab - Rabbit Leg $220主食喺烤法国野兔脾配上米饭，印象上，我几敢肯定喺第一次食野兔脾，睇卖相只兔脾烧得几靓仔，原来兔脾都几大只，口感个人觉得几似鸡肉，因为加咗啲香料去焗，所以，几入味，又几香；而啲米饭似喺印度米，因为外形较为修长，食落比较爽身，伴上薄荷蕃茄酱，香浓得嚟又带点清新。
Katayef $75最后当然以甜品作结，据店员介绍呢一款甜馅角甚富地道色彩，喺中东地区人士斋戒月会食嘅甜品。一客有两大件，外形有啲似我哋过年时食嘅炸角仔，一件属甜食，包住合桃椰丝，仲有阵阵玉桂香；而另一件属咸食，包住中东芝士，因为都淋上糖浆，所以，味道又几夹，加上香脆嘅外层，真喺既特别，味道又唔错。
虽然，未算喺第一次食地中海菜，不过，依然好有新鲜感，而且，招呼亦好唔错，侍应态度有礼，让我哋都有个称心美味之夜。
张贴
