四點金飯店

营业中

休息中

作为潮州妹的我对于潮州野我真系食条铁咩😂 我阿麻同老豆唔讲唔食既话其实我唔会有途径知,因为约朋友都好小会食中餐. 朋友介绍话有间潮州菜好正宗所以就同老豆阿麻试一试. 首先上枱既系甘瓜烙, 我心谂咪又系苦瓜炒蛋, 我呢位少年真系实在太年轻啦! 佢食落系唔会点食到蛋, 问阿麻佢话呢知超正宗用鸭蛋之余仲加左糯米粉去开左先煎... 所以口感上大不同! 呢个系我儿时至爱, 细细个被迫番乡下拜山除左可以好无聊咁玩炸牛屎就系期待食到呢个豆腐! 真系精心制作, 外皮脆卜卜个心系滑到好似食豆腐花咁, OMG😱😱再埋个盐葱水减小热气简直系停唔到口! 净鹅肠冇咩特别,比起出面冇咁肥同埋唔臭食落都好滋味. 呢条好似异型就系鸭咀鱼, 非常厉害呀!! 个样衰衰但系店长诚意推荐, 佢话货量唔多好难得有得食. 成条鱼滑到溜呀冇骨, 真系啖啖肉. 条鱼得一条主骨系软组织既脆骨,我地连骨都食埋😍呢个寻根之味真系大开眼戒!