影片
更多
2016-11-07
3522 浏览
放假接咗肥髀，发现呢间餐厅铜锣湾新开，去到门口，黑框玻璃窗格仔大门，店内楼底高，浅木家私，加好多欧洲餐厅嘅装饰，光猛开扬，我哋到时，店内已经8成满，我同肥髀要坐高櫈向街嘅座位！先去柜台落单比钱，可以八达通比方便，再攞呼叫器返座位等！食物预备好就攞！金属托盘高格调，不过无跟盘及餐具，原来要问店员攞！店内有个好隐蔽嘅位置可以斟水！Cappuccino($36)白瓦杯，有朱古力粉图案装饰，奶泡幼滑好挺身！咖啡够热，味道微甘唔涩，唔落糖都饮到！好味！Lychee Story($39)肥髀饮，玻璃樽特别，餐牌写果汁有芒果、荔枝同热情果，不过饮落只有芒果热情果，无荔枝味！冰冻好味！smoked salmon pizza($95)薄饼唔大，三文鱼嫩口唔腥，沙律杂菜爽脆，最正系个批底，外脆内软，好香麦味，好好味Les Glaces "Passion" Lychee($36)纸杯盛载，雪榚软身，荔枝味好浓，啖啖都荔枝味！Chocolate Mile-Feuille($43)卖相高级，用朱古力粉洒成店家招牌！朱古力脆片香浓，中央朱古力忌廉好浓，中央酥皮松脆脆口！好好味！食物好味，地方靓仔，店员唔赶客，店员
我哋到时，店内已经8成满，我同肥髀要坐高櫈向街嘅座位！先去柜台落单比钱，可以八达通比方便，再攞呼叫器返座位等！食物预备好就攞！金属托盘高格调，不过无跟盘及餐具，原来要问店员攞！店内有个好隐蔽嘅位置可以斟水！
Cappuccino($36)白瓦杯，有朱古力粉图案装饰，奶泡幼滑好挺身！咖啡够热，味道微甘唔涩，唔落糖都饮到！好味！
Lychee Story($39)肥髀饮，玻璃樽特别，餐牌写果汁有芒果、荔枝同热情果，不过饮落只有芒果热情果，无荔枝味！冰冻好味！
smoked salmon pizza($95)薄饼唔大，三文鱼嫩口唔腥，沙律杂菜爽脆，最正系个批底，外脆内软，好香麦味，好好味
Les Glaces "Passion" Lychee($36)纸杯盛载，雪榚软身，荔枝味好浓，啖啖都荔枝味！
Chocolate Mile-Feuille($43)卖相高级，用朱古力粉洒成店家招牌！朱古力脆片香浓，中央朱古力忌廉好浓，中央酥皮松脆脆口！好好味！食物好味，地方靓仔，店员唔赶客，店员有部分系英文人，有笑容亲切！我买两次嘢都好爽手！我落甜品，个男店员攞蛋榚𢳂雪榚即刻齐晒！好爽手！
厕所要行去商场一楼！要行店外无盖街道，落雨都几麻烦！唔方便！
张贴
