甜椰椰 (已結業)

沙田河畔附近独市糖水舖，啲位都几迫，完全无走廊咁滞，得条劲窄既路，但系呢度附近真系得一间糖水舖好似都冇咩选择食饱饭同朋友想揾个地方倾吓计就唯有再试多次呢间啰，上之食过焦糖炖蛋，印象中唔错所以今次又再encore，外面𠮶层焦糖都算几好食落去博博趣亦都唔会话非常之甜如果炖蛋呢就非常之滑好似出边食开啲鸡蛋布甸咁，有朋友就叫咗呢个团团圆圆，但系枱面上面写个价钱系唔啱嘅而家个价钱去到 $42啦，而且睇想就知图文不附，请自行衡量。落单嘅时候店员全程黑面，问一句呢非常之唔愿意咁样答，只系问团团圆圆有冇热嘅，佢反晒眼好唔想答咁样，因为落左单代表佢要出菜，会好辛苦。直到我地就黎食完，有另一员工上班先正常返。总括嚟讲其实呢间铺头嘅质素唔差，选择都几多但系如果啲店员能够比多少少礼貌整体就会好好多啦。