冚棒唥 (昌華商業大廈) (已結業)

最初系OpenRice search呢间野嘅时候都系俾佢个名吸引到。果然，真系名不虚传，真系令到我冚唪唥都想食🤤呢间小店以Cafe形式为主，麻雀虽小但系五脏俱全，舖头细细但系有好多唔同类型嘅装饰摆设，建议大家如果想嚟食要预多少少时间排队💕今次我哋各自点左一个all-day breakfast。实不相瞒，呢间餐厅嘅Menu入边嘅所有all day breakfast都好吸引，意粉都好唔错，真系会有好严重嘅选择困难。但碍于我哋胃就系得两个，最后就选择左佢哋嘅招牌菜式。素素全日早餐话明系素，呢个全日早餐入边全部都系以菜为主。尤为吸引我嘅系𠮶三条芦笋，超脆超甜超好食，实在系难得少见嘅存量早餐入边有呢一个食物嘅存在🤣另外一个重点所在就系佢嘅焦糖香蕉，老实讲都冇咩特别就系一条香蕉上面有啲焦糖喺度😂但佢帮成个全日早餐升华咗，令到啱啱好嘅人食完条香蕉都会变到食到撑住个胃🤣同埋甜甜地好易入口。用蒜蓉包代替普通牛油多士都令我对呢一个全日早餐加咗不少分🤤饮品方面我哋就嗌咗个热嘅焦糖鲜奶同埋泰式鸳鸯奶茶，都算系中规中矩，焦糖鲜奶偏甜，泰式奶茶就特别啲，有啲类似仙草嘅物体喺入边，热辣辣饮都几舒服㗎🤭