影片
更多
2023-05-02
242 浏览
今晚同同事去咗公司附近一间Omakase小店食dinner, 餐厅面积好细, 只有六人吧台可以近距离见到师傅煮理过程, 另一边设四人座位。虽然座位远离一点, 但师傅亦会亲身前来送上食物同介绍。今晚order咗HK$980/位嘅dinner set, 每位跟120ML Sake, 啱哂历时两个半小时边饮边食, 当晚还遇上了不醉无归嘅食客, 令气氛场面更为热闹。先送上三款前菜, 可以无限任加:Wasabi淮山、腌制莲藕、水云、酒盗芝士:淮山微爽脆、滑潺潺, 咀嚼时渗出wasabi; 水云微酸爽口; 酒盗芝士配上吞拿鱼内脏, 口感极creamy, 咸香十足。九洲小长井生蚝:胀卜卜, 超肥美, 几乎滑得直入喉咙, 蚝味浓郁, 甘香鲜甜。鲷鱼白子:加咗少少柚子酸汁、辣椒萝卜蓉, 一口咬落去好似有层薄膜, 再流出有如乳酪质地嘅汁, 味道清甜。萤光鱿鱼:经火灸过, 原本脤卜卜位已经穿咗, 流出了鱿鱼膏, 口感林滑, 咸味偏重, 有点回甘。𩽾𩾌鱼肝:被压成蓉, 有如蛋黄质感, 细味咸甜。矶煮鲍鱼:弹滑鲜甜, 沾上了鲍鱼肝酱, 提升原汁原味; 萝卜好林又多汁, 甜酸开胃。昆布滑子菇汤:热辣辣好暖胃, 菇
今晚order咗HK$980/位嘅dinner set, 每位跟120ML Sake, 啱哂历时两个半小时边饮边食, 当晚还遇上了不醉无归嘅食客, 令气氛场面更为热闹。
先送上三款前菜, 可以无限任加:
Wasabi淮山、腌制莲藕、水云、酒盗芝士:淮山微爽脆、滑潺潺, 咀嚼时渗出wasabi; 水云微酸爽口; 酒盗芝士配上吞拿鱼内脏, 口感极creamy, 咸香十足。
九洲小长井生蚝:胀卜卜, 超肥美, 几乎滑得直入喉咙, 蚝味浓郁, 甘香鲜甜。
鲷鱼白子:加咗少少柚子酸汁、辣椒萝卜蓉, 一口咬落去好似有层薄膜, 再流出有如乳酪质地嘅汁, 味道清甜。
萤光鱿鱼:经火灸过, 原本脤卜卜位已经穿咗, 流出了鱿鱼膏, 口感林滑, 咸味偏重, 有点回甘。
𩽾𩾌鱼肝:被压成蓉, 有如蛋黄质感, 细味咸甜。
矶煮鲍鱼:弹滑鲜甜, 沾上了鲍鱼肝酱, 提升原汁原味; 萝卜好林又多汁, 甜酸开胃。
昆布滑子菇汤:热辣辣好暖胃, 菇味香甜。
帆立贝: 厚切饱满,以柚子皮同埋岩盐做调味, 柚子味偏重得黎又冇涩味, 清新鲜甜。
金目鲷:寿司饭底混入了香葱, 正好衬托鱼味偏淡嘅金目鲷, 香口有层次。
深海池鱼:经轻轻火灸过, 入口先食到鱼鲜味, 后继散返淡淡烟熏味。
梭子鱼: 鱼质好林, 味道甘香。
生死恋: 超有味蕾上惊喜! 用脆紫菜夹住一生一熟(经火灸过)嘅拖罗, 一冷一暖, 以紫苏叶做分隔, 经火灸过嘅拖罗, 鱼油丰富澎湃, 紫苏叶平衡了咀嚼时口中嘅鱼油。
脑天: 经火灸过, 迫出了部份油脂, 咀嚼时, 油份更为澎湃, 甘香可口。
火灸左口鱼边:细味有淡淡焦香, 入口即化, 后续有小小纤维口感, 但冇渣。
然后侍应送上食用消毒剂比我地消毒手背,原来重头戏黎喇! 将冻冰冰海胆直接放上手背上, 以Wasabi点骤, 仪式感绝对吸引打卡。海胆入口即化, 甘香可口, 有点回甘, 味道在口中残留感长。一次过满足触感同味觉享受。
松叶蟹肉配秋田县汤乌冬:松叶蟹肉鲜甜, 乌冬好林滑, 汤底胡椒味重, 惹味清香。
厥饼:有齐焦糖同埋绿茶, 微微烟韧, 只系微甜。
张贴
