L1fe Café (已結業)

准备出发去欧洲前另一半特意请假陪我张罗，东西买得八八九九，食个午餐先返家。自第五波疫情后的确少咗出街食饭，估唔到闲日中午一点几嚟到只系得一个客人，真系戥佢地担心。朱古力 +$12拉花感觉失手有啲滑稽，朱古力质地稀薄味淡，Cafe饮品嚟讲有待改善，如系成本问题宁愿加多少少钱俾好啲质素。西兰花忌廉汤随午餐附送，味道较清淡。绿野寻踪｜野菌青酱意大利粉 $78嚟到主食部分，Pesto酱清新唔会太油，意粉入味弹牙，虽然系素食但加入菇菌唔会寡，感觉清新无负担。小学鸡｜烤春鸡(半只)  $88烧鸡份量充足，烤到外皮香脆，切开仲有好多肉汁，肉质嫩滑；伴在旁嘅配菜同样用心，有烤过痕迹，香口惹味，整体性价比高，食到另一半舔舔脷。对食物出品满意，可以再访。另外好欣赏小店餐盘嘅选择，令人赏心悦目，未食先加分。