重慶粉麵小食

营业中

休息中

和老公去附近买野，顺便医肚去到巴士站附近有一间小店食重庆粉面。老板娘一个人做晒成间铺，都几忙，同埋都陆续有人买外卖。虽然地痞小店环境欠奉，起码有几把大风扇够凉，因为我哋烈日行咗成二十分钟所以入到黎简直如饮甘露。叫咗一个重庆酸辣粉、红烧猪肠米线同埋皮蛋配豆腐。最初仲谂价钱都唔平，但原来每样嘢都大大份，咁都值回票价。不过如果可以拣大细份量会更好。每样我哋都拣BB辣，上菜时见到好好仲有啲惊，不过食落真系只系微辣。重庆酸辣粉有大量榨菜、酸菜等等配料，风味十足，所以觉得味道唔错，唔系粗制滥造。唯一有点美中不足系薯粉真系煮得太过淋，冇咗烟韧嘅感觉。老公食红烧猪肠米线，汤底带点红烧的惹味，不过不失，不过我自己觉得猪肠仲带有丁点儿骚味，如果好注重干净嘅就未必适合。不过三十几蚊碗米线呢个又觉得几抵。皮蛋配豆腐用上原来系大盒装嘅百福豆腐，份量比我想像中多，而且只皮蛋系流心加透明，质素唔错。虽然啲豉油辣油睇落好似已经淹没左啲皮蛋豆腐，但食落又唔会好过于浓味，这样简单小食反而有点惊喜。虽然食物质素未系好高，但地痞小店大大份要医肚都唔错。