南山軒 (已結業)

本来今日经过元朗，谂住去试下收藏左好耐嘅南山轩，试下佢嘅流心猪扒/汉堡包，点知原来转左新餐牌要下午茶先有ohhh好啦，一场来到冇理由唔食架，于是就坐低叫左个常餐叫个阵已经觉得食唔晒，佢仲送左碗汤 lol兜米粉都好大碗，完全唔似常餐size! 一个人系绝对食唔晒架！野食味道方面就一般般，第一时间已经即刻拎起份多士食，但都系稔稔地，冇好香好脆口嘅味道。叉烧奄列啲叉烧粗切存在感强，分量足够值得一赞炸鸡脾冇腌过冇咩味道，肉质有少少柴，嗯同食鸡胸冇咩分别，系多左好多油咁解啫重点来了！南山茶冰！就咁睇同普通奶茶冇分别，一开头仲以为佢上错添 lol 原来收埋左枝奶茶雪条系入面，又几有心思㖞 食完野再饮都同岩岩上台一样味 唔会比啲溶冰冲淡利申我平时饮台式饮品会叫走甜，呢杯对我来讲太甜了，好重炼奶味，但确系几浓味最后我都系饮晒佢味道似系一杯雪冻左嘅茶走，但系好高质嘅茶走，钟意饮甜野嘅朋友一定要叫！最后环境方面确实一般，大部分都系圆台，食茶餐嘅话会坐得唔舒服。同埋冇刀叉冇盐冇辣椒油。来食下午茶食鸡脾奄列用筷子真系有啲难搞。下次来嘅话可能会试下佢个小菜/午餐