影片
更多
2019-01-22
845 浏览
已经第三次帮衬！头两次都极为失望，谂住贪新鲜同朋友入去食下午茶，点知等好耐都唔出，三催四请先至上菜，出到嚟个奶油猪仔包系我成二十几岁人食过最难食最唔抵食！空气面包，好似花园餐厅𠮶种，基本上一啖食晒收我几十蚊！有次食晚饭，见冇人帮衬好多位，可以成间餐厅霸晒所以入去试吓，食完成班人都讲晒粗口，又贵又唔好食，难怪之后间餐厅净系做午市做地盘佬生意！今次系冇选择，行完山超级肚饿所以俾多次机会佢。我住响附近嘅朋友话基本上餐厅平日10个有九个半都系地盘佬，因为免费泊车，出面好多地盘车出入，沙尘滚滚，记住唔好坐出面！星期日会好少少。朋友仲话夏天呢度超多蚊，咬到Pk，又多地盘臭汗味，所以夏天一定唔帮衬！至于食物方面，非常之一般，越来越差，差过普通茶餐厅水平。啲肉好大浸雪味，啲饭好硬（听隔离枱话上次啲饭系浆糊咁！ ）我朋友话之前好似有少少好转，但系今次真系非常差！唯一吸引之处系可以泊车同埋带狗狗入去，不过屯门好多地方都可以。我食咗三次加埋朋友久唔久帮衬，大家嘅结论系：食物质素参差，环境欠佳，价钱偏贵，似乎唔系做我哋一般人生意而系做地盘佬，今次真系最后一次，宁愿坐番车出去屯门，一样价钱或平啲，仲多嘢食仲好食
今次系冇选择，行完山超级肚饿所以俾多次机会佢。我住响附近嘅朋友话基本上餐厅平日10个有九个半都系地盘佬，因为免费泊车，出面好多地盘车出入，沙尘滚滚，记住唔好坐出面！星期日会好少少。朋友仲话夏天呢度超多蚊，咬到Pk，又多地盘臭汗味，所以夏天一定唔帮衬！
至于食物方面，非常之一般，越来越差，差过普通茶餐厅水平。啲肉好大浸雪味，啲饭好硬（听隔离枱话上次啲饭系浆糊咁！ ）我朋友话之前好似有少少好转，但系今次真系非常差！唯一吸引之处系可以泊车同埋带狗狗入去，不过屯门好多地方都可以。
我食咗三次加埋朋友久唔久帮衬，大家嘅结论系：食物质素参差，环境欠佳，价钱偏贵，似乎唔系做我哋一般人生意而系做地盘佬，今次真系最后一次，宁愿坐番车出去屯门，一样价钱或平啲，仲多嘢食仲好食！
张贴