影片
更多
2015-11-05
2271 浏览
打边炉我比较喜欢地踎一点的格局，通常呢d先有料到。之前食过红磡的老坑，唔好计料，单系番茄蟹汤底已经鲜味十足。今次就试试同样有口碑兼比较相宜的新明记。呢度位置偏僻，铺面唔大，连路边都要开几张枱应付客流。店内的枱摆得好密，人多自然嘈，要有点心理准备。新明记最出名系猪骨煲，自然叫个番茄薯仔猪骨汤底（大$108）试下，上枱煲滚之后即试一啖，好清，清到有少少淡。之后加汤都只系加滚水，所以食到后期有点似用水灼的感觉，颇失望。调味料方面比较单调，就系得辣椒同生蒜蓉（每位$6，花生一份$10），想要葱的话要畀钱。招牌锅料系本地手切鲜肥牛（大$238），约有廿几块，颜色偏深，油花亦唔多。轻轻渌过之后，入口比一般肥牛有咬口（部分有些少韧添），不过咬多两啖就feel到肉香。牛爽肉（$68）系横隔膜附近的软骨，油脂较多，唔知系咪渌耐左，韧到咬唔开（唔只我一个系咁），虽然食到一点油香，但都系奉劝大家唔好点了。鲜带子（$65）系原粒上，一碟有5粒，爽滑得来几鲜甜，唔错。自制杂饺（$55）分别系鱼皮饺、韭菜饺、西洋菜饺、水饺，全部都系人手包，只只饱满。由于人多，我只抢到两款。西洋菜饺据闻颇得食客欢心，菜系几多，不过
呢度位置偏僻，铺面唔大，连路边都要开几张枱应付客流。店内的枱摆得好密，人多自然嘈，要有点心理准备。
新明记最出名系猪骨煲，自然叫个番茄薯仔猪骨汤底（大$108）试下，上枱煲滚之后即试一啖，好清，清到有少少淡。之后加汤都只系加滚水，所以食到后期有点似用水灼的感觉，颇失望。
调味料方面比较单调，就系得辣椒同生蒜蓉（每位$6，花生一份$10），想要葱的话要畀钱。
招牌锅料系本地手切鲜肥牛（大$238），约有廿几块，颜色偏深，油花亦唔多。轻轻渌过之后，入口比一般肥牛有咬口（部分有些少韧添），不过咬多两啖就feel到肉香。
牛爽肉（$68）系横隔膜附近的软骨，油脂较多，唔知系咪渌耐左，韧到咬唔开（唔只我一个系咁），虽然食到一点油香，但都系奉劝大家唔好点了。
鲜带子（$65）系原粒上，一碟有5粒，爽滑得来几鲜甜，唔错。
自制杂饺（$55）分别系鱼皮饺、韭菜饺、西洋菜饺、水饺，全部都系人手包，只只饱满。由于人多，我只抢到两款。西洋菜饺据闻颇得食客欢心，菜系几多，不过块皮碱水味太重，我觉得一般。反而鱼皮饺就几好食，好香，皮又烟韧。
墨鱼滑拼虾滑（$68）用料足，墨鱼滑够弹牙，但我更喜欢虾滑，真系食到好鲜美爽脆的虾粒，呢个必点。
四宝丸（$72）我都系只抢到墨鱼丸，同样新鲜弹牙。
咁多样我觉得白鳝片（$75）最正，肉质烟韧，亦唔太食到有骨，我差唔多清左一碟咁滞。
芝士包心丸（$35）同胡椒猪肉丸（$45）都系可以一试的丸类，都唔错。
其他嘢（菜、响铃、炸鱼皮等等）系预期中的质素，不详谈了。
值得去指数：
题外话/补充资料：
注意就算订左位都要等一阵先有得入座
(以上食记乃用户个人意见 , 并不代表OpenRice之观点。)
张贴
