海安咖啡室 (已結業)

两点几三点黎到呢度！其实都无分下午茶，全张菜单只有早餐同常餐啫。其余都系散叫。今日朋友冲住菠萝油黎的！我本人都喜欢，但我就叫左个常餐A. 包括菠萝油，一碗米粉（配一个𩠌）同埋野饮！朋友叫既菠萝油，专登叫姐姐牛油分开上！我唔知点解，但听佢地既对答实在太搞笑喇！因为姐姐问朋友，个包洗唔洗热既！讲真，黎到既时候，唔知系咪我旧牛油开始溶，所以觉得朋友果旧厚d. （我无叫牛油分开上）所以无左果种咬落去可以𡁻牛油既感觉。野饮方面我叫左杏仁霜。冲得好平均。有时d 餐厅会太多杏仁粉搞到好杰，又或者太多奶，搞到好似饮奶咁。而呢间好平均，滑溜！米粉方面我㨂左午餐肉。有半厘米厚、而且有两块！即刻觉得好抵！厚身仲有肉丝响中间，煎香得黎无㶶。除左个粉多左麻油味之外。真系可以食多碗。常餐只系40蚊，饮杏仁霜要加3蚊！其间听到隔离叫叉烧捞面，姐姐话无叉烧，叫佢转鸡亦。结果见到既系四大只鸡亦加鲁水蛋。下次可奖试呢个。