鴻陞泰國菜

营业中

休息中

好耐都冇去过九龙城食泰国菜,早两日咁啱去完启德就搭咗两个站探访一下小泰国,餐厅座位唔算多,有种好地道嘅泰国风！餐厅好似家庭式经营感觉相当亲切！我哋就叫咗几样食物，有泰式黄咖喱大头虾,仲叫咗一份薄饼佢点咖喱, 有三只开边大虾,虾肉都几新鲜爽口,配埋啖啖咖喱,唔会好辣！薄饼系即叫即煎嘅份量好多! 每一片薄饼都沾满咖喱,性格比高！我哋另外叫咗个猪颈肉炒河，即叫即炒嘅河粉热辣辣咁样上枱,而且非常之够镬气！跟住我哋仲叫咗碟烧牛肉,烧牛肉都系即叫即烤嘅，半生熟仲带有肉汁！酱汁带有泰式嘅香辣嘅！饮品方面我哋叫咗个椰青同埋芒果沙冰,为今晚画上咗完美句号！