光記食店

营业中

休息中

话晒都系西营盘嘅街坊，但系我都真系未试过呢间舖头，呢间舖头都应该喺度好耐㗎啦！间铺其实好四五张圆枱，加埋个厨房舖头一眼见晒！我哋可以食传统屋企整嘅𩠌菜，好似蒸鱼，剁肉饼，仲可以炒虾炒蟹！呢度炒出嚟啲嘢够晒镬气，好似炒咗个蒜蓉唐生菜，非常之香！咁我哋人少少，就嗌个传统嘅蒸肉饼啦，蒸得好好食。我记得好似有少少咸鱼喺上面！另外再点返个煲，沙嗲肥牛粉丝煲，沙嗲煲送个白饭，哗！真系一流。仲有好多嘢都未试，下次揾多啲人！