你妳 (已結業)

之前去过荃湾店，估唔到今次红磡开咗新分店，我去仲方便左。每次都必点佢招牌吐司，肉松芋泥吐司🤩材料丰富卖相又靓打卡一流！一定要记得加钱转套餐，可以加小食，食台湾野，唔少得炸咸酥鸡同花枝丸。朋友陪我打卡佢钟意食热食，叫咗招牌牛三宝饭。估唔到份量几多，有牛腩牛筋同埋牛展一次过食晒不同部位。下次想试埋个自选便当，自由度大好多。我见有唔少街坊都入嚟买便当🍱两个套餐分别加咗两杯饮品，朋友叫咗炭焙乌龙奶茶小芋圆+$15。我怕肥🤪叫咗白桃乌龙茶加仙草+8。朋友杯手工特饮好抵饮，分量大一倍😣不过我嘅白桃乌龙茶味道好香好fresh 👍👍另外试咗朋友杯嘢饮，最钟意啲小芋圆，烟韧有咬口🤓