西門町台灣麵食 (已結業)

和同事去左旺角睇电脑之后食晚饭，朋友拣左系女人街街尾位置既西门町。六点几唔算好多人唔使等位。选了248的二人套餐，有二柸台式饮品。芋香珍珠和柸芽雪香二款都系旧时成日饮既味道，唔算太甜，不错！肉燥饭及肉燥米粉肉燥份量几多，肉碎带小小花生及咸香，唔会太肥腻几好食的。猪软骨份量几多，猪软骨分怖平均唔会太硬太多肉。甜甜地应该系用左甜豉油，肉质焖得念身，咬落几绵滑同入味，口感不错。醉鸡鸡肉肉质几嫩，酒味几香算系浓味，加左杞子，味道带点清香唔会太肥腻！肉燥青菜肉燥汁渗左落菜入面，青菜唔会渌到淋洒用黎𩠌饭不错。套餐的甜品是擂沙汤丸唔算太甜的，咬落口感烟韧，面层是花生粉几香口。