一葉台灣料理

营业中

休息中

放工系附近揾间餐厅食晚餐，听朋友讲一叶好好食，佢lunch time经常嗌呢间外卖，一于嚟试下。当日叫咗一碗盐酥鸡排配台式葱油拌面同埋猪排古早味家乡拌面。鸡排外酥内嫩，外皮炸得金黄香脆，鸡肉有肉汁，有种去咗台湾夜市食大鸡排嘅感觉面条煮得啱啱好，唔会煮到淋晒。面条质地偏厚实有筋道，口感唔错，捞埋葱油，色泽吸引。家乡拌面面头就铺咗啲肉碎，拌上虾油，有虾米嘅咸香。两款拌面都系经典台湾菜，好开心系香港都可以食到正宗台湾料理。餐厅位置就脚，系正鲗鱼涌B出口隔离，环境卫生，干净企理。Menu都有好多小菜、水饺、台式甜品等等，晚餐同屋企人朋友聚餐都适合。餐厅嘅名都好有诗意，原来系一叶知秋，香港最舒服而难得嘅秋季，同一碗难能可贵嘅美味台湾comfort food，相得益彰。