五斗米 (太興中心) (已結業)

今日黎到港岛古迹游时，经过红当当的「五斗米」，就俾佢吸引住。系中上环闹市想揾间地道台湾菜餐厅唔系咁容易，所以立即去试试。原汁牛肉面，配细面先饮一啖清甜的汤底，再细嚼弹滑的面条，已经充满浓浓的牛肉味。呢度的牛肉好大件，份量好多，炆得好腍，配埋酸菜，简直食到停唔得低，确实为原汁原味的台湾味道。嗜辣的朋友可以拣麻辣味，仲可以配肉燥同鸡腿肉，或者转做刀削面。十三香卤味拼盘话明十三香，个卤味汁系用十三种香料秘制而成，卤得非常滋味。百页豆腐、白菜、卤蛋，完完全全吸收哂卤味，而台式贡丸、花枝丸，大大粒，都好正。盐酥鸡本来想点炸物拼盘，不过材料唔够，所以净系叫盐酥鸡。炸粉唔太厚，都几脆，最重要系里面的鸡肉仲好juicy，轻轻调味已经好够味。一口葱馅饼热辣辣做起的葱馅饼好饱满，大细啱啱好一口一个，馅料葱同肉的比例平均，值得一试的小食。最后每人分别叫杯饮品：黑糖珍珠鲜奶，蜂蜜柠檬汁，苹果西打苹果西打，台湾畅销的汽水，铺头专登系台湾入货。第一次饮，苹果味好香，天时热饮好解渴。上环的铺面比较细，细枱坐到4-5人，吧枱坐到2人，主要做外卖生意，支援各款美食app。如果多人一齐食，不妨去西环的分店，果度大好多，可