九份•十分 (T Town ) (已結業)

冇去过台湾，更加未去过台湾嘅九份十份，但系黎到依间餐厅，就能够感受到当地嘅风土人情。墙上面画满台式嘅画作，亦都播住著名嘅台湾歌，一入到黎身人已经得到放松。首先黎咗红烧牛肉面($62)，啖汤浓郁得黎又好清甜，幼面软硬适中，重点系牛肉，大大旧又好淋，焖得好入味，估唔到除咗牛肉仲有牛筋，配埋酸菜白萝卜同红萝卜，令到成碗面睇得又开胃。然后有开胃小菜醉三小($148)，分别系鲍鱼、虾、鸭舌。先试一试个酒味，好清甜，唔算浓。鲍鱼有4粒，粒粒都咁饱满，咬落去就食得出好新鲜，酒味更加突出到鲍鱼嘅鲜味。虾有3只，亦都好鲜甜。第一次食鸭吞，好有咬感，有啲酒味咁好惹味。杂果明虾凯撒沙拉($68)，估唔到盘沙律咁大，除咗有菜同虾之余仲有芒果草莓蓝莓等等嘅水果，系唔错嘅开胃菜，沙律酱比例适中，好健康。黎到台式餐厅一定要叫台湾盐酥鸡($42)，盐酥鸡炸得好脆，肉同粉唔会散散开开咁，值得一赞嘅系有6款粉俾客人自己调味，唔洗净系食原味咁dry。溶岩芝士鸡($118)，用一个农夫包装住芝士，炸鸡有鸡胸同鸡脾，炸鸡本身冇咩味道，而芝士味道够重，两者可以中和下，面包吸哂啲芝士，趁佢未淋嘅时候食就最适合。台式综合卤味拼盘(细