金玉滿堂

营业中

休息中

话说早排冻冰冰约埋成班朋友去左呢间金玉满堂食羊腩煲，个Gas炉一放低就斜左一边，原来无左只脚，同店员讲，佢竟然回覆「系咁架啦」听完真系成个人暖晒～发滚添呀～不过佢之后都有换过个企得稳既炉比我。① 双冬扣黑草羊腩煲 $368卖相唔错，但可能羊腩铺面浸唔到个汁，成班人一见到滚就抢食，食落件件都唔腍，徙晒！其实羊腩都几大件，不过我地再等佢滚耐啲都唔够腍。② 金玉麻辣花雕鸡煲 $498被喻为店家必食鸡煲，个煲好大个，一打开…都算好多料，花胶够多够大件，但鸡就唔系好入味，肉质唔系好嫰。③ 黄金珍宝虾球 $158呢个黄金虾球一上枱就抢，相都无影，好食！个黄金酱捞饭一流！④ 黑椒薯仔牛柳粒 $138⑤ 鱼香茄子煲 $108⑥ 生拆蟹粉扒豆苗 $138牛柳粒同茄子煲都系正常大排档质素，至于个蟹粉扒豆苗就一般般，唔系好有蟹味。.整体觉得餐厅环境同服务都一般，特别一黎比侍应既回应抛疾左。当晚隔离枱有个客一坐落张櫈就烂左，成个人挞落地发出巨响！好彩人无事，餐厅除左致歉都识做送左两枝啤酒。唔计个羊腩煲我唔知系咪我自己问题，其他食物质素就正正常常，唔突出，价钱唔算平，性价比唔算高。