家家戶戶

营业中

休息中

尖沙咀韩国街有好多餐厅，今次试左呢间家家户户，食地道韩菜，好似去咗韩国人屋企作客咁。餐牌选择好多，除咗传统韩食仲有好多特色小食，真系样样都想试。而且同系韩国用餐一样，会配上多款小食配菜，相信都系店家自家腌制，都好啱我口味。见天气冻冻地，拣咗个韩式牛肉石锅拌饭（$109）同埋牛肉海鲜汤面（$119）。拌饭上枱嘅时候热辣辣，配料满满，仲有一只生蛋用黎捞饭，风味十足。而且因为够热，锅底系有香脆既饭焦架！！ 整体调味做得几好，少少辣，十分推荐👍🏻另一款海鲜汤面，除咗有牛肉配料，仲有几款海鲜，包括虾、青口、鱿鱼、蚬肉同细虾肉。呢款就比拌饭辣，不过都算几惹味。每个套餐都会跟一支益力多饮品，系好有趣既配搭😆整体嚟讲，食得好满足！