八海山

营业中

休息中

呢间餐厅开业已经20年， 店长好热情咁同我哋介绍佢哋系做日式家庭料理有好多日本人帮衬， 咁啱今日我哋嘅隔离枱就系一班放咗工嘅日本大叔， 好有气氛。试咗唔系度度有得食嘅白子， 入口好新鲜， 有满满嘅鲜味， 后感好绵滑。洋葱沙律，平时去开日式餐厅都系叫蟹子沙律今日试一试呢个， 都几有惊喜， 因为食得出洋葱非常新鲜，再加上有梅子味嘅汁，非常开胃。刺身拼盘， 呢度嘅自身非常之新鲜， 有三文鱼腩，赤身， 带子，虾， 油甘鱼，章鱼同埋海胆。 我哋最钟意嘅系三文鱼腩同海胆， 海胆浓郁亦都非常creamy， 三文鱼腩入口充满油脂。南蛮炸鸡， 南蛮炸鸡最重要就系佢个他他酱， 入口酸甜， 配上淡淡热辣辣嘅鸡肉，正。忌廉饼 亦都非常出色， 炸粉唔会太厚。海鲜炒乌冬作为我哋嘅煮食， 非常之香， 又唔算太油推介想食日本嘢嘅朋友嚟食， 价钱唔会太贵，而且食物质素亦都好好，值得推介。