川粵小食 (已搬遷) 新店位置

黎过呢到食米线都好多次啦，平均每个星期都会黎一次，好多时都系外卖，贪佢呢到快靓正。只要系whatsapp落完单之后出门口，行到店铺就有得拎。值得一赞既就系send 完个whatsapp msg 后，唔洗5秒就会有人reply你，非常efficient。呢到系小店，得4个位，所以大部分客都系叫外卖。我自己食过抄手，口水鸡同墨鱼丸米线，全部都好好食，墨鱼丸好弹牙，抄手皮薄馅靓，口水鸡好滑。𩠌虽然只有一款，但系份量都几多，大约等于一般云南米线店既两𩠌咁，除此之外，仲有好多菜，呢样系港式餐厅真系好少见。汤底方面，我试过小辣亦都试过中辣，本人觉得小辣唔够辣，中辣又太辣，所以要求过小中辣，呢个辣度对我黎讲真系刚刚好。饮品方面，只要加3蚊就有啦，好多时我都系叫热豆浆，豆味浓，热度又刚刚好，冬天饮真系最适合。