影片
更多
2018-01-22
240 浏览
冬天最岩就系打边炉即刻暖粒粒，去开深水埗谂起朋友介绍过既依间火锅煮场就想挑战下。今次系同2位朋友一齐食既，餐厅闲日唔算太忙，环境都坐得几舒服! 原来火锅煮场就唔只得火锅食架，仲有刺身同小食，小食方面叫左个香煎墨鱼饼($98)，岩岩煎出黎时闻落几香，外皮脆得黎又唔会太厚粉，而且好有咬口。食物方面最紧要紧系简个汤底先啦，最后我地简左个胡椒猪肚汤($128)，汤底本身已经有好足料，有好多猪肚、猪肠。呢个汤底用黎打边炉会愈来愈惹味。唔中意麻辣但又想食下小小胡椒辣既人就岩哂啦!特别想分享下既系佢地既珊瑚蚌同贵花蚌($138)! 佢地既海鲜真系好新鲜。仲可以双并咁叫，少人都可以一次过试哂两只蚌。珊瑚蚌就好爽口，食落口唔会霉，唔似平时出边酒楼果d西兰花炒珊瑚蚌咁无乜味，食落反而有惊喜，好似食到海水的新鲜味道，就算唔点豉油都好高质。即炸紫菜响铃($68)系侍应推介，佢话系餐厅自创的。平时食太多响铃已经闷闷地，但呢个紫菜响铃几得意。我唔中意滚太耐，通常落3秒就食。最正既系D紫菜浸完都系仲系脆既，比起一般响铃个口感同味道都系多层次啲。手打墨鱼肉丸($88)都系好新鲜，弹牙得黎又起哂胶，而且好有口感食落仲会
原来火锅煮场就唔只得火锅食架，仲有刺身同小食，小食方面叫左个香煎墨鱼饼($98)，岩岩煎出黎时闻落几香，外皮脆得黎又唔会太厚粉，而且好有咬口。
食物方面最紧要紧系简个汤底先啦，最后我地简左个胡椒猪肚汤($128)，汤底本身已经有好足料，有好多猪肚、猪肠。呢个汤底用黎打边炉会愈来愈惹味。唔中意麻辣但又想食下小小胡椒辣既人就岩哂啦!
特别想分享下既系佢地既珊瑚蚌同贵花蚌($138)! 佢地既海鲜真系好新鲜。仲可以双并咁叫，少人都可以一次过试哂两只蚌。珊瑚蚌就好爽口，食落口唔会霉，唔似平时出边酒楼果d西兰花炒珊瑚蚌咁无乜味，食落反而有惊喜，好似食到海水的新鲜味道，就算唔点豉油都好高质。
即炸紫菜响铃($68)系侍应推介，佢话系餐厅自创的。平时食太多响铃已经闷闷地，但呢个紫菜响铃几得意。我唔中意滚太耐，通常落3秒就食。最正既系D紫菜浸完都系仲系脆既，比起一般响铃个口感同味道都系多层次啲。
手打墨鱼肉丸($88)都系好新鲜，弹牙得黎又起哂胶，而且好有口感食落仲会感觉到入面啲墨鱼粒添，真系值得一试。
另外叫左碟水饺($68)，皮薄到未食都见到入面嘅馅，只只都几肥美，而且比想像中有咬口。
蔬菜方面叫左皇帝菜($48)，皇帝菜喺火锅店嚟讲算小见，餐厅菜款多达约三十种比你简，应该点都有款岩你口味，菜嘅口感新鲜香嫩，不错。而栗米($48)一向都系我打边炉必食之一，通常都滚到最后食，就好鲜甜，再加埋汤底既胡椒味!正! 
餐厅环境光猛舒服唔迫，适合同朋友仔一齐去!
张贴
