吔咩嗲 吔嘢事無所

营业中

休息中

一踏入荃湾呢间「吔咩嗲吔嘢事无所」，即刻好似返咗去日本咁，环境布置好有feel，好似坐喺日本家庭餐厅一样温馨。呢度主打嘅一汁多菜风格，真系令人有 "翻乡下" 𠮶种兴奋。呢次试咗两个餐，真系每样都好有惊喜！每个餐都有附送 和风忌廉蘑菇汤，呢碗汤将西式忌廉汤融入咗和风元素，好特别，每啖都饮得出啲蘑菇嘅香味，暖笠笠超正！二款热菜 + 二款冷菜和风黑松露乌贼堡（墨鱼汉堡）墨鱼饼超弹牙，仲带有淡淡黑松露香，够晒独特。安格斯牛栉瓜卷配自制洋葱苹果酱牛肉拣咗七成熟，食落依然好嫩滑，加上栉瓜卷嘅层次超丰富，啖啖都有甜酸适中嘅洋葱苹果酱，真系绝配。左口鱼秋葵伴柚子醋樱花虾左口鱼好肥美，配上柚子醋秋葵一齐食，酸甜开胃，加上脆脆嘅樱花虾，口感丰富。南瓜沙律配苹果青瓜坚果南瓜沙律蓉料多又清香，带少少微辣，加埋苹果同青瓜，食起来好清新。三款热菜 + 一款冷菜自信作！鸡皮饺子配自家制香草柠檬腐乳酱外脆内软嘅鸡皮饺子，咸香味十足，加上独特沾酱带有日式同本土fusion风味，好惹味。北海道牛肉薯饼外面脆卜卜，入面粒粒牛肉碎，仲有香滑嘅薯饼，食落真系停唔到口。鹿儿岛吉列黑豚肉饼松软多汁嘅猪肉饼，加埋果啲沙律酱，味道超正