嘉兵衛 (已搬遷) 新店位置

元朗开左好多年嘅小店，主打日式家庭料理，感觉就好似去日本时随便拣一间餐厅入去𠮶种，好简单好普通，通常唔会系大家pocket list入面想去嘅餐厅。野食方面拣咗亲子丼定食，有三款前菜有个饭。前菜印象深刻啲嘅系个明太子沙律，我以为明太子会溶入个沙律酱度，点知佢真系角切明太子加沙律酱，明太子唔会太咸，好味！另外两款前菜食完都唔系好记得😂至于个饭，都好食嘅，蛋汁份量刚刚好，味道亦都唔错，唯一不足系啲鸡肉有啲肥，而我本身又唔钟意食肥肉，但整体而言我都系满意嘅。