新龍城茶樓

营业中

休息中

今日唔想食茶记早餐，知道呢边有几间地道茶楼，最后拣左呢间试一试。点了虾饺，烧卖，鲜竹卷，鸡丝粉卷同鸡扎。呢间点心全部一口一件，大小适中，虾饺烧卖都好好味，虾饺皮薄爽口，食得出自家制作。鲜竹卷的高汤十分鲜甜，绝对比得上大酒楼的点心！鸡丝粉卷在酒楼几近绝迹，但呢度嘅馅料比较多菜，菜味重咗反而食唔到其他味。最后真心推荐鸡扎，所有配料都好入味，出面食开嘅竽头通常偏硬身，呢度系淋而且好入味，实在难得！要留意返呢度环境真心麻麻，d碗筷需要自己再清洗。另外呢度人流不绝，基本上2人都要搭枱，亦有机会与宠物同枱，我个枱就有狗仔，另一枱有鹦鹉。d服务其实几好，出到去拎点心d服务员会主动问你要咩，亦会告知某一啲点心蒸紧要等。总括来说食物一流，但环境就看个人接受程度，或者考虑自备盒嚟外卖啦。